Hilassi Ergaano 10:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Korneeliyo iche roorro ka indo katoolliche, wihi us worsate, “A mehe Kamur?” Herti Waakh wihi iche ilaabte, “Waakh weysihaah a daage, wihi at miskiino siisso la a arge, kaasooꞌhele.

Hilassi Ergaano 10:4 Iomraidhean Croise

Mattaayo 26:13

Rume atin icheeka, meelbaaw Wora Haaggan harra tuumman ka lacheeko ka, wihi iche yeesse laka a lacheeka, iche la lakasooꞌhela.”

Luuka 1:29

Yeedassa herta Waakh elatti weyti Maariya malalicheene, wihi liidowo aficho waayte.

Luuka 24:5

Deyyeho nahtim ka foolassicho ka il yeyte. Iꞌdaasenyi reeri kootte lammee wihi us iyidah, “A iꞌdoh eti jiro ꞌdooꞌdi tuume goya ikayowattaan?

Hilassi Ergaano 10:31

Wihi us iyidah, ‘Korneeliyo, Waakh weysihaah a daage, toro wihi at miskiino siisso a arge.

Hilassi Ergaano 14:9

Geedda Baawulo yeyyeedo dagansate. Baawulo indo katoolliche, saggi us Waakkhi usu samaacho ikakhuufo arge,

Hilassi Ergaano 22:10

“Anna wihi an worsade, ‘Kamur mehe yeelo?’ “Kamur la wihi us iyidah, ‘Kahe, ilkerengeetti Damaasko iro, ꞌdee intaas ka wihi Waakh kiabbire at yeesso a lakisoocheeko.’

Hilassi Ergaano 3:4

Beetero ichoow Yoohana et indo kakhabteen. Beetero la wihi us et iyidah, “Bal nah sooyey!”

Fiiliffi 4:18

A mehe wihi atin isooeregteen tuumman a ꞌhele. Geeddi an jiroteey ka ꞌdoono laka ꞌdirihicheeda ꞌhele. Toolla Ebaabara siimohi atin ani isooeregteen tuumman ikeene la, wihi an ꞌdoono tuumman a khaba. Waha a iꞌdi soorriyoti uyuugenye Waakh liibahcho, toro Waakh kahamaado.

Fiiliffi 4:6

Wohoo rucchul ka laka awaꞌdwaaꞌdina. Weysi ka ichoow hawwaassihi atin Waakh hawwaassattaan ichoow kalaꞌddi atin laabtaan ka, Waakh walah dakkhan daaha.

Ibiraaniya 13:16

Haaggi atin ꞌdooꞌdi addan iyeessaan ichoow gargaari atin ꞌdooꞌdi addan leegisantaan la akadabina. A mehe haagga a iꞌdi soorriyoti Waakh kahamaado.

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

Bakkaahit 8:4

Uunki uyuugge ichoow weysihi ꞌdooꞌdi Waakh dahanti hertaas Waakh ka Waakh ortiis ka serey isleeirteen.