Hilassi Ergaano 10:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Ilkerengeetti Kaaysareya ka, etoo Korneeliyo layadeehe koobbintoo iskareete, iskarti ꞌDeylaan layadeeh itoollo, a jire.

Hilassi Ergaano 10:1 Iomraidhean Croise

Mattaayo 27:27

ꞌDeerka iskar gaafana Yeesso khaatte, minki buurenye gaafana igelo geesse, rabittoo iskareet tuumman la Yeesso khaarisse.

Mattaayo 27:54

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Marko 15:16

Iskare Yeesso uranti minki buurenye gaafana igelo geesse, rabittoo iskareet tuumman isiwahte.

Luuka 7:2

Etoo koobbintoo iskareet itoollo la ilbooyiiskoo us weyti ꞌdoono weyti khannanyahe, a omoottanyahe.

Yoohana 18:12

ꞌDeerka koobbinti iskarti Rooma eti iskartaas itoollo khabtaayi ichoow weynaanti Yaꞌhuud Yeesso khabteen. Hidhideene,

Yoohana 18:3

Yuuda ꞌdeerka iskartoo Rooma ichoow rabittoo minki Waakhe buure yuubisso soowoyaayi yimiyye, gos goya soogele. Kuhaaniyyohi wewween ichoow Farissaayo ꞌdooꞌdaas sooergaté. ꞌDooꞌd la bir ichoow oorassoo khoro bolkho ichoow taa laka a khabe.

Hilassi Ergaano 10:24

Ibeenki kaas sooraaho ka, ilkerengeetti Kaaysareya sooeleeleen. Korneeliyo la icho suge, hiiyyiis ichoow aalassiiski us weyti ꞌdoono minkiis iwahe.

Hilassi Ergaano 21:31

Chirra urur Baawulo ogoos ꞌdoono ka, eti iskarti Rooma tuumman itoollo saggi ilkerengeetti weene Yeerusaleem tuumman kowdo kalday ititah daage.

Hilassi Ergaano 21:8

Ibeenki kaas sooraaho ka, kahne ilkerengeetti Kaaysareya iranne, kooban kasooyegne. Intaas ka minki eti Wori Haaggan taaꞌhicho Fiilif layadeeh fiddiine. Fiilif la a etoo ꞌdooꞌdi goorat teebeenye Yeerusaleem ka lasoobahsate golol ꞌdooꞌd gise.

Hilassi Ergaano 22:25

Chirri icho hidhideene, icho laajja ka doon leheet ka, Baawulo wihi us eti koobbintoo iskareet itoollo intaas toollo iyidah, “Eti ili Rooma liiekkaacho geeddi kootiin ka usu uskeel yeele liikagoon laajja ka ladoocho ichoow amurre a israahaan?”

Hilassi Ergaano 23:23

Eti iskar iween ꞌdeerka et lamma kooba koobbintoo iskareet itoollo wahe, wihi us iyidah, “Nyaama, iskarti kud lammee ichoow et tomon teeba faraꞌd korto ichoow et kud lamma toorar khabto ilkerengeetti Kaaysareya iratti soobahcha, ꞌdee sahaꞌd seyyahti ibeen ka a kahto.

Hilassi Ergaano 23:33

Chirri iskarti faraꞌd fuusso ilkerengeetti Kaaysareya sooeleesse ka, gaafanahi Feelig layadeeh khadaab idiibte, Baawulo laka dahanohiis gelisse.

Hilassi Ergaano 25:1

Inkoo Feestas boroofen yimiyye maan seyyahe kutte ka, Feestas ilkerengeetti weene Kaaysareya kakahe ilkerengeetti weene Yeerusaleem irte.

Hilassi Ergaano 25:13

Inkoo ibeennetoo kutte ka karnati ꞌHerood Agiribbahi lammaatteete makhaabassoo Beernike layadeeh khabaayi ilkerengeetti Kaaysareya yimiy, Feestase bariitichaa.

Hilassi Ergaano 27:1

Chirri saggi nah ilkerengeetti Rooma ili ꞌDeylaan kajirto kooban ka iiranni lagooche ka, Baawulo ichoow ꞌdooꞌdoo addane hidan ba, Yuuliyashi koobbintoo iskareet itoollo, Koobbin Kaaysar layadeeh iween dahan lagesse.

Hilassi Ergaano 27:31

Baawulo la chirraakka wihi us eti koobbinti iskareet itoollo ichoow iskar ba iyidah, “Sammata ꞌdooꞌda kooban woyo ifiddiyin, etiin bahsati mele.”

Hilassi Ergaano 27:43

Iꞌdaasenyi eti koobbinti iskareet itoollo usuhi jiro Baawulo ribo ꞌdoona, mali iskare khabte hosse. Amur bahche ꞌdee eti bicche taagnaan garti koloo bicche goya a kidiho, harrati kafafsan a imaaho.

Hilassi Ergaano 8:40

Iꞌdaasenyi Fiilif inkoo us ilkerengeetti Assotos ka issookase ka, ilkerengeeto tuumman dah kagooche, Wori Haaggan cheeke ichoowka Kaaysareya eleele.