Hilassi Ergaano 1:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Inkoo us yeedaas yidah ka, iche ꞌdeyꞌdoossaayi, Yeesso serey liikorche, mirisoo la icho kadagche.

Hilassi Ergaano 1:9 Iomraidhean Croise

Marko 16:19

Inkoo Yeessohi Kamure icho leeyeede ka goobi Waakh liikorche, Waakh anki dahantiisti miigeet orronte.

Luuka 21:27

Geeddaakka Ínam Aadam usuhi miris goyaka yamiite, miig ichoow antohi buure khabo argaan.

Yoohana 6:62

Eemba Ínam Aadam usuhi inti goorat us kijire ikoro a agarteen?

Hilassi Ergaano 1:11

“Era atinha boroofenhi Gaalilaaya!” yidah, “A iꞌdoh itolossaane serey iꞌdeyꞌdoossaan? Yeessoha atin lakakhaate serey lageeche, saggaas atin iagartaane us serey iirti on isoonokhta.”

Hilassi Ergaano 1:2

ichoowka ibeenki goobi Waakh lageeche, iche kisoochiire. Geeddi serey liigeen, Rubeyti Munyee ka ꞌdooꞌdi us soobahsate us ergaanotiis kayeesse, amurre ibahche.

1 'Dessaloonika 4:17

Wahaas ꞌdubicho ka innohi uliba jirro sooꞌhaane serey inno lageecha, mirso goyaka inno tuumman ichoow Kamur ba serey ka kulanna. ꞌDeerka jirtuu tuummamba Kamur leejirra.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

Bakkaahit 1:7

Yeya, Yeesso mirise leeyamiite, weeli enenyet tuumman usu a arga, ꞌdooꞌdi goorat usú ꞌhune laka usu a arga. Jeentetiis u yaafohi harra tuumman a ooyaan. Iꞌdaas la a titaahe giꞌde! Aamiin.

Bakkaahit 11:12

ꞌDooꞌda lammee ꞌdeerka hooyoo buurenye goobi Waakh ka icho leeyyeedo, “Inta saraat amiita,” idowo daage. Icho la chiiyticho ꞌdeyꞌdoossaayi, mirisoo ka goobi Waakh ikoreen.

Bakkaahit 14:4

Waha a ꞌdooꞌdi isibiꞌdirroonne deyyeho ileeurꞌdin, a mehe icho miꞌdabe iskayeeleen. Icho la Heleem meelbaaw us irti a raahaan. Waakh icho ꞌdooꞌdi harrata goyaka a soogatte, toro iꞌdi gurnaanki oraat u, Waakh ichoow Heleeme ibahche.