Hilassi Ergaano 1:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Iꞌdaasenyi maanti Rubeyti Munyee atin isooyagte, miig a ꞌhessaane, atin la weheeyki atin garattaan cheektaan. Ilkerengeetti weene Yeerusaleem ka ichoow boroofenneti Yaꞌhuudiya ichoow ti Saamariya ka ichoow harra tuumman ka cheektaan.”

Hilassi Ergaano 1:8 Iomraidhean Croise

Mattaayo 24:14

Wora Haaggane dakhi Waakh miinsan la harra tuumman ka a lacheeka, garti ꞌdooꞌdi harra tuumman yateehe, ꞌdee ꞌdeerka ibeenki yomboot yateeh.

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Marko 16:15

Wihi us icho iyidah, “Nyaama harra tuumman taba, Wori Haaggan la ꞌdooꞌdi Waakh soouume tuumman icheeka.

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Luuka 10:19

An antohi atin toofaf ichoow arraaro kayabattaan a atin siiche, toro la miigti atin miigti chiiytan kasoorissaan a atin siiche. Walah atin gaameero mele.

Luuka 24:29

Iꞌdaasenyi soojeycheene wihi icho iyidaaheen, “Kaale a isleebariino orrahe kola a dihtee.” Ulla ꞌdeerka irte icho leefiddiye.

Yoohana 15:27

Atin laka woraaya cheektaan. A mehe uuꞌ goorat maanti an hila sookhabde, a ileejirteen.

Hilassi Ergaano 1:22

Eti uus maanti Yoohana enenyet baattissiyo sookhabte ichoowka maanti Yeesso nah lakakhaate serey lageeche nah leejire a eheetti. A mehe a nah isookhaya ꞌdee garti saggi Yeesso omoot liikasookahche nah leecheeka.”

Hilassi Ergaano 1:5

A mehe Yoohana enenyet bicche kabaattissiye, iꞌdaasenyi maanassa, Rubeyti Munyee ka a atin labaattissiya.”

Hilassi Ergaano 13:31

Ulla ꞌdooꞌdi goorat usú boroofenhi Gaalilaaya ka sooraahe ilkerengeetti weene Yeerusaleem leeyimiy geeddi buure a isoobabbahe. Icho la toolla ꞌdooꞌdeenki Issiraayel gartiis a ilaabaan.

Hilassi Ergaano 2:32

Waakh Yeessoha omoot a kasookahche, nah tuumman la gartaas a laabna.

Hilassi Ergaano 22:15

At gartiis a laabta toro wihi tuummane at agarte toro daagte yaafo tuumman icheekta.

Hilassi Ergaano 3:15

Atin ki jiro kasoouummanto a tigaaseene, iꞌdaasenyi Waakh omoot a kasookahche. Nah la gartaas a laabna.

Hilassi Ergaano 4:33

Ergaano miigti buurenye Waakh siiche kaayyeedde, saggi Yeessohi Kamure omoot ikasookahe enenyet icheekte. Waakh la icho tuumman haaggiiski buure kaankube.

Hilassi Ergaano 5:32

Nah ichoow Rubeyti Munyeenye Waakh eti yeediis raaho tuumman siicho a garti waha tuumman.”

Hilassi Ergaano 6:8

Isiteefano weyti haaggi Waakhe buure ichoow miige buuhicheen. Ulla girmohi buure ichoow wahanyeyyohi miigti Waakh tuso ꞌdooꞌdi Yaꞌhuud goyaka haaggiche.

Hilassi Ergaano 8:1

Saawulo laka intaas a kijire, ullaka Isiteefanohi layagiis a ayyiche. Maantaas on urur Kiriistoki ilkerengeetti weene Yeerusaleem kajiro sinati weyti loomhicho lasookhabte. Ergaano on menye, ꞌdooꞌd Kiriisto tuumman ilassi Yaꞌhuudiya ichoow ki Saamariya iche liitaaꞌhiche.

Rooma 10:18

Iꞌdaasenyi wihi an worsadi a mehe ya, ꞌdooꞌdi Issiraayel wora ma daagin a? Aa! Rumanka a daageen. Iꞌdi Chiirnaanneti Waakh liikachiiruu, “Hooyassicho harra tuumman a kataaꞌheene, yeedi icho yeyyeedeen harra ginꞌdohiche tuumman a eleele.”

Rooma 15:19

Ulla miigti Rubeyti Munyee ka wahanyeyyohi miigti Waakh tuso ichoow wihi weeli enenyet yeelin iubaaꞌdan ba yeele, icho Waakh iwoye. Iꞌdaas ka la ani Wori Haaggane Kiriisto miinsan tuume cheeke. Ilkerengeetti weene Yeerusaleeme kasookhabde ichoowka ili Iliriiko eleeliche.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.