Hilassi Ergaano 1:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Inkoo sina lakawaariche us reera a isoobahe, jitassi ittaawe ka saggi us rumanka ijiro tuse. Geeddi ibeen tomon affar icho a isoobahe, wori dakhi Waakh miinsan kaleeyyeede.

Hilassi Ergaano 1:3 Iomraidhean Croise

Mattaayo 21:43

“Maantaka wihi an atin icheeko, dakhi Waakh a atin lakakhaata yaafti gurnaanki Waakh ꞌdoono desso lasiicha.

Mattaayo 28:9

Chirraas on Yeesso icho ꞌhele, “Waakh ba nebey atin kakaala,” iyidah. Icho la soonyaameene, luhlohiis khabteene, usu wahteen.

Mattaayo 3:2

Wihi us yidah, “Uskeeliin kasoonokhda, iꞌdi tahe dakhi goobi Waakh a soodowwaatee.”

Mattaayo 4:2

Inkoo us ibeen tomon affar maalintiche khabto af hiite ka, weyti ankaye.

Marko 16:19

Inkoo Yeessohi Kamure icho leeyeede ka goobi Waakh liikorche, Waakh anki dahantiisti miigeet orronte.

Yoohana 20:26

Inkoo teebatoo toro kutte ka, abatti toro minkoo goyaka kulante. Toomas laka a leejire. Afaf a hidanyahiine, iꞌdaasenyi Yeesso goycho sootolossate, wihi us iyidah, “Nebeytiin ma furatti.”

Yoohana 21:1

Inkoo ibeennetoo kutte ka, Yeesso toro abattitiis Beyti Buurenye Tibeeriya afiche ka isoobahe. Wihi yitah la kallaayo.

Yoohana 21:14

Waha la a koli seyyahnaatteete Yeesso inkoo us omoot kasookahe, abattitiis isoobahe.

Hilassi Ergaano 13:31

Ulla ꞌdooꞌdi goorat usú boroofenhi Gaalilaaya ka sooraahe ilkerengeetti weene Yeerusaleem leeyimiy geeddi buure a isoobabbahe. Icho la toolla ꞌdooꞌdeenki Issiraayel gartiis a ilaabaan.

Hilassi Ergaano 19:8

Baawulo minki weysiite Yaꞌhuud gele, intaas ka hay seyyah roorro laan icho hawwaaste, wori dakhi Waakh miinsane isoojijjiitaa.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Hilassi Ergaano 28:31

Baawulo intaas ka roorro laan wori dakhi Waakh miinsan cheeke, toro wori Yeesso Kiriistohi Kamure miinsan ꞌdooꞌd abche, et jeyche la mele.

Hilassi Ergaano 8:12

Iꞌdaasenyi chirri icho Wori Haaggane dakhi Waakh ichoow Yeesso Kiriisto miinsane Fiilif cheeko rummeesteen ka, mejel ichoow deyyeho ba labaattissiye.

Rooma 14:17

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.

Kolossaay 1:13

Iꞌdi tahe us miigti mugꞌdi a inno kasoofure, dakhi weeliiski us ꞌdoono goya inno keene.

1 'Dessaloonika 2:12

Nah uur a atin miigoonne, uur atin khoboonne, atin hawwaassanne, ꞌdee jiroti Waakh kahamaado jirtaan. A mehe Waakh dakhiis ichoow weynaantiisti ababto a atin iwaha.

1 Yoohana 1:1

Eti nah woriis atin isoochiirro, a ki goorat geeddi wohoo rucchul laka liisoouumin jire. Nah usu a daagne, indoheenyo ka la a agarre, ꞌdeyꞌdoonne, toro la dahanoheenyo ka laka usu a ꞌdaarre. Eta Yeedi jiree iche woriis cheekna.