Bakkaahit 8:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ani la herti Waakhe teebeenye Waakh ortiis tolosso arge, icho la arab teeba lasiiche.

Bakkaahit 8:2 Iomraidhean Croise

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Mattaayo 24:31

Ulla Herti Waakhe arabi fallee afuufto harra ierga, iche la ꞌdooꞌdi Waakh soobahsate harra ꞌdollohiche affarcho ichoow sereyta daayan ꞌdollohiche tuumman kasoobaayissa.

Luuka 1:19

Herti Waakh wihi iche ilaabte, “Ani a Gaabiriyel. An Waakh ortiissa toolla, Waakkhane isooergate ꞌdee wora haaggane an kikeene kicheeka.

Luuka 21:36

Kol dakkhan isyaakhicha. Weesda la ꞌdee Waakh waha tuummane dowwanoha ka sooyateeh a atin kakhaduudicho, miigti atin Ínam Aadam ortiis katolossattaan a atin siicho.”

1 Koriinto 15:52

Waha la koloo kalday on iꞌdi ankhad ichoow libiisihi ileet u yateehiin maanti arabi ꞌdaꞌddaboot laafuufo. Iꞌdi tahe maanti arab laafuufe, Waakh ꞌdooꞌdi tuume a sookahcha, icho la toro yombuu ma yamuutiine, Waakh inno tuumman la a inno urgiyicha.

1 'Dessaloonika 4:16

A mehe Kamur rubeytiis a riira, amur bahcha, goobi Waakh kasookhubta, hooyi herti Waakhe ween ladaaga, arabi Waakh la ladaaga, ꞌdooꞌdi Kiriisto kakhuufe tuume la kolooraat omoot kasookaha.

Bakkaahit 1:4

Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

Bakkaahit 11:15

Herti Waakhe teebannaatteet arabiche afuufte, hooyassi buure la goobi Waakh ka sooyeedeene, wihi icho yidaaheen, “Dakhi harra, dakh Kamureen ichoow koo Lasubhehiissa yitaaheen. Ulla jirtuu tuummane harra dakhta.”

Bakkaahit 15:1

Goobi Waakh ka toro wohoo buurenye girmeenye miigti Waakh tuso arge. Herti Waakhe teebeenye sinayyohi teebeenye harra yaham sookhaatto arge. Waha a sinayyohi ꞌdaꞌddaboot, a mehe sinayyohaas ka holi Waakh a massata.

Bakkaahit 16:1

ꞌDeerka hooyoo buurenye minki Waakhe buure goya kasooyeede herti Waakhe teebee leeyeede daage, wihi us iyidah, “Nyaama, irda, holi Waakhe baakhuulleti teebee kijiro, harra kakhuba!”

Bakkaahit 8:13

An ꞌdeyꞌdoochaayi, gabaddi serey katariꞌde hooyi buure ka riirto daage. Iche la wihi iche elatti, “Uuwwiy! Uuwwiy! Sinati weeli enenyete harra kijiro isoosohatti eenna a buure, jeenteti hooyi arabi herti Waakhe addane seyyahe dowwanoha ka isooafuuftuu!”

Bakkaahit 8:6

ꞌDeerka herti Waakhe teebeenye arabti teebee khabto tannabatte arabtichooda afuuftaa.

Bakkaahit 9:1

Herti Waakhe channaatteet arabiche afuufte, anna bakkaaloo sereyta daayan ka harra kasoodihe arge. Waakh la bakkaalaas furoti afafhi ankhari dahane ieleelin siiche.