Bakkaahit 4:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Wahanyeyyoha affarenye lasoouume rubey khabo, kooba barbar lihe khaba. Indo la sar tuumman ichoow barbarre iliche ka laka a kakhabaan. Icho la maalim ichoow ibeen ba koloo kalday laka ma nasaane, Waakh on saaꞌdaane, wihi icho essaan, “Kamuri Waakhenye Miig Tuumman Leh, at a munya, at a munya, at a munya! At a Waakkhi goorat tuumman jire, toolla jiro, jirtuu tuumman la soojiro.”

Bakkaahit 4:8 Iomraidhean Croise

Hilassi Ergaano 20:31

ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.

2 Koriinto 6:18

“An ooyohiinna ateehe, atin la nyaakhutaaya tateehiin,” iche Kamuri Miig Tuumman Leh essa.

1 'Dessaloonika 2:9

Rumanka ꞌdooꞌd Kiriistokaaw, atin hili miigenye nah haagginne a kasooꞌhessaan. Ibeen ichoow maalim ba hol a downe uus ꞌdee geedda nah Wori Haaggane Waakh atin icheekno etiinkoo kalday laka hulees korinne.

1 Timooti 4:16

Kol dakkhan jirotaah ichoow wihi at ꞌdooꞌd abisso yaakhiche, weyti la goya yey. Chaꞌat waha yeesso, a isribta ꞌdooꞌdi kidagansati laka ribta.

2 Timooti 4:2

Tab giꞌde tannabo Yeedi Waakh kolal dakkhan ꞌdooꞌd icheek. ꞌDooꞌd saggi us uskeel iyeele icheeke, leejaakh, toro uur miigooy. Geeddi at waha yeesso la weyti samacchaare, mujjum la enenyet walah abi.

Ibiraaniya 13:8

Yeesso Kiriisto iꞌdaaru laka ma urgiyo. Us chele ichoow maanta ichoow jirtuu tuummamba a koo kalday on.

Bakkaahit 1:4

Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Bakkaahit 11:17

wihi us yidah, “Kamuri Waakhenye Miig Tuumman Leh, ki toolla jiro goorat tuumman jire, jeenteti at miigtaahti buure ikhaatte, enenyet dakkhan isookhabattuu kalaꞌde kisoolaabna.

Bakkaahit 14:11

Uunki bolokkha ꞌdooꞌda latuse jirtuu tuumman sereye ikaha. ꞌDooꞌdi binaha ichoow iyookkotiche wahti ichoow eti tuummane sumatti magahiis ꞌhelo, ibeen ichoow maalim ba nasme ma ꞌhelo.”

Bakkaahit 14:3

ꞌDooꞌda la komborti antoote Waakh ortiis ichoow wahanyeyyohi affarenye lasoouume rubey khabo orticho ka ichoow ewweenki tomon lamma ichoow affare orcho ka geeyoo husub doween. Geeya ꞌdooꞌdi alif kudoo ichoow alif tomon affar ichoow alif affarenye Waakh harrata ka soogatte on aban yabuuꞌde, et addane aban yabuuꞌd mele.

Bakkaahit 15:3

geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.

Bakkaahit 15:7

Wahanyeyyohi affarenye lasoouume rubey khabo kichekoo herti Waakhe teebee kooba baakhuuli ꞌdahabe, holi Waakkhi jirtuu tuumman jiro buuho idiibte.

Bakkaahit 16:14

Icho a rubeyohi ginnayyohi girmo tuso. Ginnayyoha karnatohi harra tuummane iirtaane, ꞌdee ibeenki weene Waakkhi Miig Tuumman Leh ka diho iururichaan.

Bakkaahit 16:7

Ani la hooyoo koondihi gaꞌdaar ka sooyeede daage, “Aa, Kamuri Waakhenye Miig Tuumman Leh, hukkunka at ꞌdooꞌd igoosse a wihi rummaate toro fissan.”

Bakkaahit 19:15

Afiis la birlabi af lehe us yaafo kabaabiicho kasoobaha. “Ulla wussi gaꞌdaar ka icho a dakhta.” Gurnaanki sabiibe inti gurnaan lakayabti kijiro a yabta. Waha la holi Waakkhi Miig Tuumman Lehe itoollaan.

Bakkaahit 19:4

Ewweenki tomon lamma ichoow affare ichoow wahanyeyyohi affarenye lasoouume rubey khabo ba jilbo il kaguꞌddeene, Waakkhi komborti antoot kafiddiyo wahteene, wihi icho yidaaheen, “Aamiin! Okkhoow, weyti kikoolinna!”

Bakkaahit 21:22

Ilkerengeet goyaka minki Waakhe buure ma argin, iꞌdi tahe Kamuri Waakhenye Miig Tuumman Leh ichoow Heleeme minki Waakhe buurenye ilkerengeetete.

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.

Bakkaahit 4:4

Toro kombortaas antoot komborohoo addane antoote tomon lamma ichoow affarenye, tooba la ewweenkoo kafiddiyo iche kamarsan. Ewweenka la gaaddi daddakhan ichoow ꞌduubi ꞌdahab lakahaaggiche iche matahenye kakhaba.

Bakkaahit 4:6

Wihi addane komborta orche kijiro, a wohoo beytoo buurenye kiyoowe gato miige iyooge warraakhe. Ukkur ka, wihi komborti antoot kamarsan a wahanyeyyohoo affarenye lasoouume rubey khabo sar orche ichoow ꞌdubiche indo buuhaan.

Bakkaahit 4:9

Chirbaaw wahanyeyyoha affarenye lasoouume rubey khabo Waakkhi jirtuu tuumman jiro komborti antoot kafiddiyo saaꞌdaane, inkaanyit tusaane, toro la kalaꞌd ilaabaan,

Bakkaahit 5:6

ꞌDeerka komborti Waakhe antoot orche ka Heleenki wahanyeyyohi affarenye lasoouume rubey khabo ichoow ewweenki tomon lamma ichoow affare ba khaaricheen arge. Heleenka ki lasoorriyooche iyoogyahe. Ulla gaas teeba ichoow il teeba khaba. Indoha teebee la, a rubeyohi Waakhe teebeenye harra tuumman liierge.

Bakkaahit 6:1

Geedda an fiiricho, Heleem hanjati oraate khadaabi yuuban kadagsan bukkhiche. ꞌDeerka wahanyeyyohi lasoouume rubey khabo affare kichokoo, usuhi hooyi iꞌdi ki guugahe ka, “Kaale!” iyidah daage.

Bakkaahit 6:6

Hooyoo iꞌdi ki enenyete la wihi rubey khabo affare dahcho kasooyeede daage, wihi us yidah, “Chilimmeti eti orrahtoo hil haaggiche laguto kiilotoo ꞌdargaayye on bahta. Kiilo seyyah nyumumma laka chilimmeti eti orrahtoo hil haaggiche laguto on bahta. Subakki geeyi oolif ichoow farsoti sabiib la akheeroon.”

Bakkaahit 7:11

Herti Waakh tuumman komborti Waakhe antoot ichoow ewweenki tomon lamma ichoow affare ichoow wahanyeyyohi affarenye lasoouume rubey khabo khaaricheene, tolossateen. Komborti Waakhe antoot orche ka il guꞌddeene, Waakh wahteene,

Bakkaahit 7:15

Maantaka, “icho komborti Waakhe antoote ortiis toollaane, maalim ichoow ibeen minkiiski buure ka usu ihilaan. Waakkhi kombor kafiddiyo la eematiis ka icho a ogooga.