Bakkaahit 18:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Iꞌdi tahe yaafo tuumman, farsoticheti sabiibe sohoꞌddarriti holi Waakh keento iche dameen. Karnatohi harra tuumman la makhaabassaas sohoꞌddarri kaleessohteen. ꞌDooꞌdi bacchaara harra tuumman la jeenteti sohoꞌddarriticheeda ikamurrowe.”

Bakkaahit 18:3 Iomraidhean Croise

Luuka 7:25

Bal wihi atin iratteene sooagarteen kamalda. A etoo gaaddi haaggan khabo? Mele! ꞌDooꞌdi gaaddi gato miige khabo jiroti wohoo liiwaayin jiro, a ꞌdooꞌdi minassi karnatoot fiddiyo.

1 Timooti 5:11

Iꞌdaasenyi muunkhoyyohi nunnugul achiirin. A mehe ꞌdee yomboka kolossoo ildeerroti sarticho a geeddi iche anatti icho hil Kiriistoki goorat icho isisoobahcheen ꞌdiichaane, mindischo gelin ꞌdoonaan.

Bakkaahit 14:8

Hertoo Waakhe lammaatteet ꞌdubiche leetimiyye wihi iche tidah, “A massatte! Ilkerengeetti Weene Baabiloon bar a waayte. Ilkerengeetta yaafohi harra tuumman farsoti sabiibe sohoꞌddarriti iche kaassohatte damin a iholisse.”

Bakkaahit 17:2

Karnatohi harrata malaayata sohoꞌddarri kaleessohteen. Toro la ꞌdooꞌdi harrata farsoti sabiibe sohoꞌddarritichee ka meleefu yitah.”

Bakkaahit 18:19

Icho la a ooyaane uuwwichaane toro ebeer matah iskachibaane, wihi icho yadeehiin, “ ‘Uuwwiy! Uuwwiy! Ilkerengeetta weenoow, kamurroonkicheeda ꞌdooꞌdi koobano khabo, bey ka bacchaarti kamurrowe. Sahaꞌddoo kalday goya on ka walah dakkhan bar latire!

Bakkaahit 18:23

Toro la jirtuu banayhi taa goytaah ma kabolkhaan. Hooyi eti min disti ommos inanti ladiso, jirtuu goytaah ma lakadaago. ꞌDooꞌdaahki bacchaara haaggiche ki harra ka lagarti eheet. Morotaah ka yaafo tuumman a leekkeeste.

Bakkaahit 18:7

Geeddi iche iskoolisse, iche kamurroonki sohoꞌddarri kijirte, iche geeddaas sina ichoow bolokh tusa. A mehe uuriche ka a eylajja, mehe elatta ya, ‘An saggi makhaabassi karnatenye ijira. An muunkho menye, jirtuu la ma ooyo.’

Bakkaahit 18:9

“Karnatohi harra goorat iche sohoꞌddarri kaleessohte, kamurronkiche leegisme maanti icho uunki ꞌdabi ilkerengeettaas yaham argaan a uuwwichaane iche ooyaan.