Bakkaahit 13:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Binaha lammaatteet la wihi buurenye miigti buure tuso haaggiche, weeli enenyet tuumman argaayi ꞌdaboo laka serey kakeene, harra isooyagche.

Bakkaahit 13:13 Iomraidhean Croise

Mattaayo 16:1

Farissaayotoo ichoow Sadukaayotoo Yeesso itimiy usu angey gelin ꞌdoontaa. ꞌDeerka wohoo goobi Waakh kayimiyye miigti Waakh tuso daahte.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Marko 13:22

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate ekkeestaan.

2 Timooti 3:8

ꞌDooꞌda iꞌdi goorat Yaanes ichoow Yaameres ba Muusa tirrimeen u runti Waakhe tirrima. Mali kheerenye khabaane, kakhuufnaanki icho Kiriisto kakhuufaan ka la a sookufeen.

Bakkaahit 11:5

Chiꞌ etoo icho gaameerin ꞌdoono, ꞌdab ꞌdooꞌda lammatiis afichooda kasoobaha, chiiyticho bakkicha. Eti tuummane icho gaameerin ꞌdoono saggane liiyagiis.

Bakkaahit 16:14

Icho a rubeyohi ginnayyohi girmo tuso. Ginnayyoha karnatohi harra tuummane iirtaane, ꞌdee ibeenki weene Waakkhi Miig Tuumman Leh ka diho iururichaan.

Bakkaahit 19:20

Iꞌdaasenyi binaha ichoow eti goorat eti Waákh íyeyyeedo iskaayyeelo binahaas ortiis ka girmohi miig tuso yeele ba islaleekhabte. Girmoha ka la ꞌdooꞌdi sumatti binahaas ꞌhele toro la iyookkoti binahaas wahte a leekkeeste. Icho lammacho rubey khabaani, beyti ꞌdabe iꞌdi lahawti kibiriiꞌd ibolokhto goya liiseye.

Bakkaahit 20:9

ꞌDooꞌda la harra kataaꞌhe, furi ꞌdooꞌdi Waakhe ilkerengeetti weene Waakh weyti ꞌdoono khaaricheen. Iꞌdaasenyi ꞌdaboo goobi Waakh on kasookhubte ꞌdooꞌda tuumman bar tire.