YOHANES 10:3 - JANJAI BLAU Lem Bahaso Jang Bebilai

³ Tukang jago ke'ung mukok bang utukne ngen bebirai temi'uk sa'eine ngen si menok bebiraine suang temurut genne ngen mi'ingne moi luea.

YOHANES 10:3 Iomraidhean Croise

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

YOHANES 10:4

Amen kute bebiraine bi mbinne moi luea, si paneu neak adep tobo'o ngen bebirai o temotoa-Ne, kerno tobo'o namen sa'eine.

YOHANES 10:16

Tapi Uku kulo temuan bebirai de luyen de iso kunei ke'ung yo. Bebirai o arus napeak kulo ngen tobo'o bakea temi'uk sa'ei-Ku ngen tobo'o bakea jijai do klopok ngen do gembala.

YOHANES 10:14

Uku ba gembala de baik ngen Uku namen bebirai-Ku ngen bebirai-Ku namen ngen Uku.

WAHYU 3:20

Keliak! Uku je neak adep bang ngen kemtuk bang. Amen ade tun de temi'uk suaro-Ku, ngen mukok bang, Uku bakea masuk magea si; Uku bakea mukmei besamo-samo si ngen si mukmei besamo-samo Uku.

WAHYU 7:17

sebab Anok Bebirai de temot neak tengeak-tengeak takhta o bakea jijai gembala tobo'o. Si bakea mi'ing tobo'o moi sumber bioa de melei kehidupan. Ngen Allah bakea mapus kute bioa matai kunei matai tobo'o.”

ROMA 8:30

Ngen tobo'o de tentau-Ne kunei semulo, tobo'o kulo nok-Ne. Ngen tobo'o de nok-Ne, tobo'o kulo benea-Ne. Ngen tobo'o de benea-Ne, tobo'o kulo mulia-Ne.

YOHANES 6:45

Ade tetulis lem Kiteb Nebai-nebai: Tobo'o kute bakea najea ngen Allah. Ngen tiep tun, de sudo temi'uk ngen belajea kunei Bapa, teko ngen Uku.

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

WAHYU 20:15

Tun-tun de genne coa tetulis neak lem Bukau Tun Idup, nuang moi lem lautan opoi.

KOLOSE 4:3

Bedu'oba kulo utuk keme supayo Allah melei ngen keme kesepatan de baik utuk melei namen bito tetang resio Kristus. Kerno hal o ba mako uku uyo yo ade neak lem sel.

FILIFI 4:3

Ngen kuatku de setia, uku minoi kulo supayo Saudaro temulung keduai selawei o. Tobo'o bi kerjo sungguak-sungguak besamo uku utuk melei namen Bito Baik kunei Allah; serai awei Klemen ngen kute tun luyenne de kerjo besamo-samo uku. Gen-gen tobo'o ade lem Bukau Tun Idup.

1 PETRUS 1:12

Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.

1 KORINTUS 16:9

Dau kesempatan neak yo utuk pekerjaan-pekerjaan de ade manfaat, kunyau dau kulo tun de temtang.

YOHANES 10:9

Uku ba bang. Api bae de masuk liwet Uku, si bakea semlamat ngen si bakea masuk ngen keluea temau padang dukut.

1 YOHANES 4:6

Tapi ite adeba anok-anok Allah; ngen tun de kemnal Allah, temi'uk kecek ite. Tun de iso de Allah temuan, coa temi'uk kecek ite. Awei'oba ca'one ite namen perbedaan Roh de melei ajaran de benea, ngen roh de menea seset.

3 YOHANES 1:14

Uku ma'ep cigai an igai bakea temau ngen udi, ite bakea miling langsung.