YOHANES 1:4 - JANJAI BLAU Lem Bahaso Jang Bebilai

⁴ Lem Si ade idup ngen idup'o adeba te'ang manusio.

YOHANES 1:4 Iomraidhean Croise

MATIUS 4:16

Bangso de idup neak lem kegelapan, bi kemliak te'ang de kemliak te'ang! Bagi tobo'o de diem neak negrai tun-tun matei de kegelapan, be besinea cahayo te'ang!”

LUKAS 2:32

awei te'ang de tem'ang dalen bagiak bangso-bangso de luyen, ngen jemijai mulio bagiak umat-Nu, Israel.”

YOHANES 11:25

Jawab Yesus, “Uku ba de melei idup ngen midup igai tun matei. Api bae de pecayo ngen Uku, si bakea idup kunyau si bi matei.

YOHANES 12:35

Nadeak Yesus ngen tobo'o, “Cuma didik igai waktaune te'ang ade neak antaro udi. Jijai paneu ba seke'an te'ang o masiak ade, ngen udi kunyau udi jibeak teninggang kelem. Tun de paneu neak lem kelem coa namen moi ipe si lalau.

YOHANES 12:46

Uku bi teko moi lem dunio awei te'ang, supayo tiep tun de pecayo ngen Uku jibeak tinggea neak lem kelem.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 3:19

Dioba hukuman'o: Te'ang bi teko lem dunio, tapi manusio lebiak galok kelem kunei pado te'ang, sebab plep tobo'o kidek.

YOHANES 5:21

Sebab serai awei Bapa midup igai tun-tun matei, awei yo kulo Anok midup igai api bae de kelok Ne.

YOHANES 5:26

Sebab serai awei Bapa temuan idup lem dirai-Ne suang, awei yo kulo nelei-Ne Anok temuan idup lem dirai-Ne suang.

YOHANES 8:12

Yesus madeak igai ngen tobo'o, “Uku ba te'ang dunio. Api bae de temotoa Uku, si coa bakea paneu lem kelem, tapi si bakea temuan te'ang dunio.”

YOHANES 9:5

Seke'an Uku neak lem dunio, Uku ba te'ang dunio.”

KISAH RASUL-RASUL 26:23

adeba bahwo Rajo Penyelamat de jenanjai Allah o harus menderita ngen Siba de pertamo de bakea idup igai kunei antaro tun matei, bahwo Si bakea melei namen te'ang ngen tun-tun Yahudi ngen tun-tun de iso Yahudi.”

1 KORINTUS 15:45

Lem Kiteb Sucai tetulis aweiyo, “Manusio de pertamo, adeba Adam, jijai makhluk de idup,” tapi Adam de terakhir adeba Roh de melei idup.

EFESUS 5:14

Do'oba sebabne de nadeak, “Kelongonba, hoi udi de tidua ngen jagaiba kunei tun-tun matei ngen Kristus bakea bercahayo das udi.”

KOLOSE 3:4

Nah, sumber idupnu de sejati adeba Kristus ngen amen Si keten be udi kulo bakea keten besamo-samo ngen Si lem kebesaran-Ne!

1 YOHANES 1:1

Isai su'et yo tetang firman de melei idup, adeba firman de sudo ade ayok mulone. Keme bi temi'ukne, kemliakne ngen matai keme su'ang. Keme bi kemliakne, bi megongne ngen tangen keme.

1 YOHANES 1:2

Ketiko idup o ade, keme kemliakne. Do'oba sebabne keme melei saksai tetang si. Keme melei namen ngen udi tetang hidup sejati ngen kekal, de ade besamo Bapa, de sudo nelei ngen keme.

1 YOHANES 5:11

Dioba saksai: Allah bi melei ngen ite idup sejati ngen kekal, ngen anok-Ne adeba sumber idup o.

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 22:16

“Uku, Yesus, sudo mbo malaikat-Ku ngen udi supayo si melei namen hal-hal yo utuk kepentinggan jemaat-jemaat. Uku yo royot Daud; Ukuba Bitang Timur de te'ang o.”