WAHYU 7:3 - JANJAI BLAU Lem Bahaso Jang Bebilai

³ Malaikat o madeak, “Jibeak kileak musak bumai ngen laut, atau pun-pun amen keme ati melei tando segel neak ning hamba-hamba Allah ite.”

WAHYU 7:3 Iomraidhean Croise

MATIUS 24:22

Sekirone Allah coa semiket waktaune; mako coa ade suang kulo de selamat. Tapi kerno umat-Ne, Allah semiket maso'o.

MATIUS 24:31

Trupet lai bakea sena'ei, ngen Anok Manusio bakea mluak malaikat-malaikat-Ne kemopoa umatne kunei kepat sudut bumai, kunei ujung lenget dedo sapei ujung lenget de luyen.”

YOHANES 12:26

Api bae de mlayan Uku, si arus temotoa Uku, neak ipe Uku ade, neak di kulo pelayan-Ku ade. Api bae de mlayan Uku, si bakeane harmot Bak-Ku.

YOHANES 3:33

Api de mimo saksai-Ne o, si ngakau bahwo Allah adeba benea.

ROMA 6:22

Tapi uyo, sesudo udi bebas kunei duso ngen sesudo udi jijai hamba Allah, udi dapet asea de mbin udi moi kesucian ngen sebagai kesudone adeba idup de kekal.

WAHYU 13:16

Kute tun, lai ngen titik, kayo ngen peset, hamba ngen tun bebas, makso benatang o utuk temimo tando neak tangen kanen tobo'o atau moi ning tobo'o.

WAHYU 13:17

Coa su'ang tun kulo dapet mukua atau jemua sesuaktau, amen si coa temuan tando o, adeba gen benatang o su'ang, atau ako genne.

WAHYU 14:1

Sesudo'o uku kemliak, lajau keten Anok Bebirai o je neak das Tebo Sion. Besamo Si ade sotos pat puluak pat ribau tun ngen neak ning tobo'o tetulis gen-Ne ngen gen Bapa-Ne.

WAHYU 14:9

Su'ang malaikat ketelau motoa duai malaikat o, samo menggang ngen sa'ei de lek, “Tun de nyembeak benatang o ngen patungne, ngen temimo tando neak ningne atau tangenne,

WAHYU 19:2

Hukuman-Ne adea ngen bijaksana! Si bi melei ukuman ngen selawei nakea de lai, de musak dunio ngen perzinahanne. Allah sudo mukum selawei nakea o, sebab si munuak hamba-hamba Allah.”

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 22:4

ngen kemliak papea-Ne. Gen-Ne bakea tenulis neak ning tobo'o.

WAHYU 6:6

Ngen uku temi'uk awei ade sa'ei neak tengeak-tengeak kepat makhluk o madeak, “Deliter gendum de baik gone serai ngen upeak debilai, ngen telau liter gendum jenis luyen gone kulo serai ngen upeak debilai. Tapi jibeak musak pun-pun zaitun ngen anggur!”

WAHYU 7:1

Sesudo'o, uku kemliak pat tun malaikat je neak kepat penjuru bumai. Tobo'o temaen kepat angin neak bumai supayo jibeak ade ibut de kembus neak da'et atau neak laut, atau neak pun-pun.

WAHYU 7:2

Lajau uku kemliak suang malaikat de luyen teko kunei peak timur. Si mbin segel kunei Allah de idup. Ngen sa'ei lek malaikat o menok kepat malaikat de sudo kenuaso kunei Allah utuk musak bumai ngen laut.

WAHYU 9:4

Tobo'o cao buliak musak dukut, atau pun-pun, atau tanem-tanem luyenne. Tobo'o cuma buliak semrang tun-tun de neak ningne coa ade tando segel kunei Allah.