WAHYU 2:2 - JANJAI BLAU Lem Bahaso Jang Bebilai

² Uku namen jano de udi nea: Udi kerjo keras ngen udi kembiak sabar. Uku namen bahwo udi coa melei atei ngen tun jahat. Ngen tun-tun makau diraine rasul padahal iso, sudo udi ntes, ngen udi namen bahwo tobo'o mike.

WAHYU 2:2 Iomraidhean Croise

MATIUS 7:23

Tapi uku bakea jemawab, ‘Uku coa perneak kemnal udi! Lalauba kunei yo, udi coa perneak kemerjo de periteak Allah!’ ”

YOHANES 6:6

Hal'o de nadeak-Ne utuk cenubo Filipus, sebab Si suang namen jano de lok nea-Ne.

GALATIA 1:7

de sebeneane iso Bito Baik. Cuma ade tun de kemacau udi ngen maksudne utuk nutea belek Bito Baik Kristus.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

1 TESALONIKA 1:3

Keme tinget awei ipe udi kemten lem perbuatan bahwo udi pecayo ngen Kristus, awei ipe udi mengasihi tun luyen sehinggo melayan tobo'o, ngen awei ipe udi tep ma'ep ngen Tuhan te Yesus Kristus.

1 TESALONIKA 5:21

Kute sesuaktau harus nujai, ngen de baik harus tenotoa.

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

IBRANI 6:10

Allah iso Allah de coa adea. Si tep minget jano de udi nea utuk-Ne, kasih de udi kemten ngen Si sewaktau temulung saudaro-saudaro do imen, bel'o sapei uyo.

1 YOHANES 4:1

Saudaro-saudaro de tecito! Jibeakba pecayo ngen kute tun de makau temuan Roh Allah, tapi ntesba kileak tobo'o utuk namen jano roh de ade ngen tobo'o asalne kunei Allah atau iso. Sebab dau nebai palsu bi teko moi kute dunio.

WAHYU 2:5

Sebab o, tingetba padeak ke'uakne udi bi us! Tobatba kunei duso-dusonu, ngen neaba jano de udi nea semulo. Amen coa, mako uku bakea teko ngen udi, mok kekea lapu o kunei penanne.

WAHYU 2:6

Tapi ade de baik ngen udi, adeba: Udi jengik ngen plep tobo penotoa Nikolaus, de uku jengik kulo.

WAHYU 2:9

Uku namen kesaro-kesaro udi; Uku namen udi peset – tapi sebeneane udi kayo! Uku namen fitnahan-fitnahan tobo'o, de madeak diraine tu Yahudi, padahal iso; tobo'o adeba umat Iblis!

WAHYU 3:1

“Ngen jemaat neak Sardis, tulisba awei yo: Dioba pesen kunei Si de temuan ketujuak roh kunei Allah ngen ketujuak bitang o. Uku namen jano de udi nea. Nadeakne udi idup, padahal udi matei!

WAHYU 3:15

Uku namen jano de udi nea; Uku namen udi coa sengok ngen coa kulo panes. Seharusne udi o sengok atau panes!

WAHYU 3:8

Uku namen jano de udi nea. Uku namen bahwo udi coa kuet; udi bi temotoa ajaran-Ku, setia ngen Uku. Utuk udi bi Uku mukok bang, de coa dapet nukok api bae.