WAHYU 10:5 - JANJAI BLAU Lem Bahaso Jang Bebilai

⁵ Lajau malaikat de uku kemliak je neak das laut ngen bumai, maket tangen kanenne moi lenget.

WAHYU 10:5 Iomraidhean Croise

KISAH RASUL-RASUL 14:15

“Hoi udi kute, getai udi menea awei yo? Keme yo manusio biaso serai awei udi. Keme ade neak yo utuk melei namen Bito Baik ngen udi, supayo udi teminggea hal-hal de coa beguno ngen belek ngen Allah de idup, de sudo cemipto lenget, bumai, laut ngen kute si'ingne.

KISAH RASUL-RASUL 17:23

Kerno ketiko uku paneu neak kotanu, uku kemliak penan-penan semyangnu, uku temau kulo debueak penan melei kurban. Neak di ade tetulis, ‘Ngen Allah de coa kenal.’ Jano de udi sembeak ngen coa kemnalne, do'oba de uku melei ngen udi.

ROMA 1:20

Sebab jano de coa keten kunei pado-Ne, adeba kekuatan-Ne de kekal ngen keilahian-Ne, dapet keten ngen pekeran kunei karya-Ne sejok dunio ceniptone, sehinggo tobo'o coa temuan alasan.

IBRANI 6:13

Ketiko Allah melei janjai ngen Abraham, Si besupeak bahwo Si bakea menea jano de sudo jenanjai-Ne. Ngen kerno coa ade de lebiak lekat kunei Allah, mako Si besupeak das gen-Ne suang.

WAHYU 1:18

Ukuba Si de idup! Uku bi matei, tapi kemliakba, Uku idup utuk selamo-lamone. Uku bekuaso das matei, ngen das dunio tun matei.

WAHYU 10:2

Neak tangenne ade debueak gulungan kiteb titik de tukok. Si mpek kekea kanenne neak laut ngen kekea kideune neak da'et.

WAHYU 14:7

Malaikat o menggang ngen sa'ei de lek, “Sabenba ngen Allah, ngen pujaiba kebesaran-Ne! Sebab bi waktaune Allah mukum manusio. Sembeakba Si de jemijai lenget, bumai, laut ngen kute matai bioa!”

WAHYU 16:17

Sesudo'o malaikat ke tujuak temupeak si'ing penanne moi udara. Mako teni'ukba sa'ei de lek kunei takhta neak Bait Sucai, de madeak, “Sudo selsei!”

WAHYU 4:11

“Ya Tuhan, ya Allah keme! Ko bae de layak temimo pujian, hormat ngen kuaso. Sebab Koba pencipta kute sesuaktau, ngen das kelok-Nu kulo kute sesuaktau o bi tejijai ngen idup.”

WAHYU 4:9

Kepat makhluk o mbin legau pujian, hormat ngen syukur ngen Si de temot neak takhta o, adeba Si de idup utuk selamo-lamone. Ngen pado waktau makhluk-makhluk o nyanyi,