WAHYU 1:1 - JANJAI BLAU Lem Bahaso Jang Bebilai

¹ Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 1:1 Iomraidhean Croise

YOHANES 12:49

Sebab Uku madeak iso kunei dirai-Ku suang, tapi Bak, de mutus Uku, Siba de meriteak Uku utuk madeak jano de arus Uku madeak ngen Ko.

YOHANES 15:15

Uku coa madeak udi igai pelayan, sebab pelayan coa namen jano de nea tuanne, tapi Uku madeak udi kuat, kerno Uku bi melei namen ngen udi kute de sudo Uku temi'uk kunei Bapa-Ku.

YOHANES 17:8

Sebab kute firman de Ko semapei ngen Uku bi Uku semapei, ngen tobo'o bi temimo-Ne. Tobo'o bebenea namen bahwo Uku teko kunei Ko ngen tobo'o pecayo bahwo Ko ba de sudo mutus Uku.

YOHANES 3:32

Si saksai tetang jano de kemliak-Ne ngen de temi'uk-Ne, tapi coa suang tun de temimo saksai-Ne o.

YOHANES 8:26

Dau de arus Uku madeak ngen Kumakim tetang udi. Tapi Si de mutus Uku, adeba benea. Ngen jano de Kutemi'uk kunei Si, do'oba de Uku madeak ngen dunio.”

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

GALATIA 1:12

Kerno uku coa temimone kunei manusio ngen iso manusio de majeane ngen uku, tapi uku temimone liwet ungkapan Yesus Kristus.

EFESUS 3:3

Allah melei namen resio rencano-Ne ngen uku, awei de uku temulis neak das ngen siket.

TITUS 1:1

Anokku Titus! Uku, Paulus, temulis su'et yo sebagai hamba Allah ngen rasul Yesus Kristus. Uku niliak ngen nutus utuk temulung tun-tun piliak Allah supayo jijai kuet lem imen tobo'o. Uku kulo harus bimbing tobo'o supayo kemnal ajaran de benea de najea agamo te.

WAHYU 1:19

Sebab o, tulisba hal-hal de ko kemliak, adeba hal-hal de ade uyo, ngen hal-hal de bakea tejijai.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 17:1

Sesudo'o saleak su'ang kunei ketujuak malaikat de megong tujuak penan o teko ngen uku ngen madeak, “Maro, uku bakea kemten ngen udi awei ipe selawei nakea de lai o bakea nukum, adeba kota lai o de ten'gok pa'ok bioa-bioa.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

WAHYU 19:9

Lajau malaikat o madeak ngen uku, “Tulisba dio: ‘Riangba tun de nundang moi pesta nikeak Anok Bebirai o.’ ” Sesudo'o malaikat o temambeak kulo, “Dioba bito benea kunei Allah.”

WAHYU 21:2

Mako uku kemliak kota sucai o, adeba Yerusalem de blau, tu'un kunei surgo kunei Allah. Kota o bi seniap awei pengaten selawei nrias utuk magea matenne.

WAHYU 21:9

Do kunei antaro ketujuak malaikat de sudo megong penan-penan de penuak ngen ketujuak bencano terakhir o teko ngen uku ngen madeak, “Maro! Uku bakea kemten ngen udi pengaten selawei, adeba pengaten selawei Anok Bebirai.”

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 22:16

“Uku, Yesus, sudo mbo malaikat-Ku ngen udi supayo si melei namen hal-hal yo utuk kepentinggan jemaat-jemaat. Uku yo royot Daud; Ukuba Bitang Timur de te'ang o.”

WAHYU 22:6

Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”

WAHYU 22:8

Uku, Yohanes, sudo temi'uk ngen kemliak kutene yo. Sesudo uku selsei temi'uk ngen kemliakne uku tukup neak adep malaikat de sudo melei namen kutene o ngen uku, ngen uku lok nyembeak si,

WAHYU 22:9

tapi si madeak ngen uku, “Jibeak! Jibeak nyembeak uku! Senbeakba Allah! Sebab uku kulo hamba awei udi, ngen awei saudaro-saudaronu paro nebai ngen kute tun de taat ngen pesen-pesen lem kiteb yo!”

WAHYU 4:1

Sesudo'o uku dapet kemliak igai. Uku kemliak debueak bang tukok neak surgo. Sesudo'o teni'uk igai sa'ei de mulo-mulone bi miling ngen uku awei sa'ei trupet. Sa'ei o madeak, “Maro kenek mio. Uku bakea kemten ngen udi jano de bakea tejijai be.”

WAHYU 5:7

Sesudo'o Anok Bebirai o maju ngen mok gulungan bukau o kunei tangen kanen tun de temot neak das takhta.