LUKAS 9:5 - JANJAI BLAU Lem Bahaso Jang Bebilai

⁵ Ngen neak ipe udi coa tenimo, pado waktau udi teminggea kota o, nersiba debu kunei telapok kekeanu, sebagai peringatan te'adep tobo'o.”

LUKAS 9:5 Iomraidhean Croise

MATIUS 10:18

Kerno udi penotoa-Ku, udi bakea mbin ngen penguaso-penguaso ngen rajo-rajo. Ngen pado waktau'oba, ko bakea jijai saksi-Ku utuk tobo'o ngen tun-tun de coa kemnal Allah.

MARKUS 6:11

Amen ade do penan de coa lok temimo udi ngen coa lok temi'uk udi, kelueaba kunei di ngen kenibasba debu de neak kekeanu sebagai peringatan utuk tobo'o.”

MARKUS 9:37

“Api semambut su'ang anok awei yo lem gen-Ku, si semambut Uku. Ngen api semambut Uku, iso Uku de senambutne, tapi Si de mutus Uku.”

LUKAS 10:16

Lajau Yesus madeak ngen penotoa-penotoa-Ne, “Tun de temi'uk udi, temi'uk Uku. Tun de temulok udi, temulok Uku. Ngen tun de temulok Uku, kulo temulok Si de mbo Uku.”

LUKAS 5:14

Lajau Yesus temgeak tun o cemrito hal o ngen api bae, nadeak-Ne, “Lalauba ngen imen, ngen minio si utuk maset ko sudo ka'en. Lajau lalauba semreak kurban awei de neriteak Musa, sebagai bukti ngen tun-tun ko benea-benea sudo ka'en.”

LUKAS 9:4

Neak ipe bae udi tenimo, tinggeaba neak di sapei udi teminggea kota o.

LUKAS 9:48

Lajau Si madeak ngen murid-murid-Ne, “Tun de temimo anok yo kerno Uku, taine temimo Uku. Ngen tun de temimo Uku, temimo Si de mutus Uku. Sebab tun de titik neak antaro udi, siba de paling lai!”

KISAH RASUL-RASUL 13:51

Tapi, Paulus ngen Barnabas muang debu kunei kekea tobo'o sebagoi peringatan utuk tun-tun'o, lajau lalau moi Ikonium.

KISAH RASUL-RASUL 18:6

Tapi ketiko tun-tun o melawen si ngen minone, si mersi debu kunei keracokne. Paulus madeak ngen tobo'o, “Kunyauba daleaknu tupeak neak das ulaune suang; uku bersih, coa saleak. Muloi uyo uku bakea lalau ngen bangso-bangso luyen.”