LUKAS 9:16 - JANJAI BLAU Lem Bahaso Jang Bebilai

¹⁶ Lajau Yesus mok lemo ruti ngen duai kan o, sesudo'o nanggeak moi lenget ngen mucep mokasiak ngen Allah. Sesudo'o o Si megit ruti ngen kan o ngen tangen-Ne lajau meleine ngen murid-murid-Ne utuk nagiak ngen tun dau o.

LUKAS 9:16 Iomraidhean Croise

MATIUS 14:19

Sudo'o Si meluak tun dau'o temot neak das dukut. Lajau Si mok lemo ruti ngen duai kan'o, ngen cungok moi lenget, lajau mucep syukur ngen Allah. Sudo'o Si megit ruti'o ngen tangan-Ne ngen mlei-Ne ngen penotoa-penotoa-Ne utuk nagiak-nagiak ngen tun dau'o.

MATIUS 15:36

Sudo'o Si mok tujuak ruti ngen kan'o, ngucep sukur ngen Allah. Yesus megit ruti ngen kan'o ngen tangen-Ne, lajau Si melei penotoa-Ne ngen tobo'o magiak ngen tun dau'o.

MARKUS 7:34

Sesudo'o samo nanggea moi lenget Yesus mok nyabai madeak ngen Si, “Efata,” taine, “Tukokba!”

LUKAS 22:19

Lajau Yesus mok ruti. Sesudo mucep syukur, Si memecuakne ngen meleine ngen tobo'o, nadeak-Ne, “Dioba awok-Ku de senreak bagiak udi; neaba dio utuk minget Uku.”

LUKAS 24:30

Waktau Si temot mukmei ngen tobo'o, Si mok ruti, mucep berkat, lajau memecuakne ngen meleine ngen tobo'o.

LUKAS 9:15

Murid-murid Yesus o menea jano de nadeak Yesus ngen tobo'o.

LUKAS 9:17

Tobo'o kutene mbuk sapei kenyang. Lajau murid-murid Yesus kemopoa lebiak kembuk o sekedau duai belas bokoa.

YOHANES 6:11

Lajau Yesus mok ruti o, mucep syukur ngen magiakne ngen tobo'o de temot neak di, awei o kulo nea-Ne ngen kan-kan o, kekedau de tobo'o kelok.

YOHANES 6:23

Sementaro o kekedau biduk luyen teko kunei Tiberias pa'ok moi penan tobo'o mbuk ruti, sesudo Tuhan mucep syukur dasne.

KISAH RASUL-RASUL 27:35

Sesudo Paulus madeak awei o, si mok ruti, mucep syukur ngen Allah neak adep tobo'o kutene, mecuak-mecuakne, lajau muloi mbuk.

ROMA 14:6

Api de bepegong ngen do bilai tertentu, si meneane utuk Tuhan. Ngen api mukmei, si meneane utuk Tuhan, sebab si mucep syukur ngen Allah. Ngen api coa mukmei, si meneane utuk Tuhan, ngen si kulo mucep syukur ngen Allah.

1 KORINTUS 10:30

Amen uku embuk kembuk ngen ca'o mokasih ngen Allah, getai tun harus mino uku das kembuk o, padahal uku sudo mokasih ngen Allah?”

1 KORINTUS 11:24

sesudo Tuhan mucep syukur ngen Allah kerno ruti o, Tuhan megit ruti ngen tangen-Ne, lajau madeak, “Dioba awok-Ku de senreak utuk udi. Neaba dio utuk minget Uku.”