LUKAS 8:35 - JANJAI BLAU Lem Bahaso Jang Bebilai

³⁵ Lajau tun-tun keluea utuk kemliak jano de tejijai. Tobo'o teko ngen Yesus, neak di tobo'o temau tun de sudo telepas kunei roh-roh kidek o gidong temot pa'ok kekea Yesus. Si sudo makei bajau ngen pekeranne sudo ka'en. Tobo'o jijai saben.

LUKAS 8:35 Iomraidhean Croise

MATIUS 4:24

Tun-tun dau muloi temi'uk tetang Yesus. Neak kute negrai Syria. Tobo'o nembin tun-tun de derito kute mecem olon, Yesus kemaen kute tun de pasuk semat, gilo bukei ngen de pakuak.

MARKUS 5:15

Tobo'o teko ngen Yesus ngen kemliak tun de pasuk roh kidek o temot. Si bi makei keracok ngen waras, tobo'o kutene saben.

LUKAS 10:39

Selawei o temuan suang pasuak de genne Maria. Maria yo temot pa'ok kekea Tuhan Yesus ngen bogoa temi'uk kecek-kecek-Ne.

LUKAS 15:17

Lajau si sadar ngen madeak, ‘Tun-tun de bekerjo pado bakku kembiak dau kembukne, ngen uku neak yo gesea matei kenyemen!’

LUKAS 2:46

Sesudo telau bilai mesoa, tobo'o temmau Si neak lem Umeak Tuhan. Si gidong temot temi'uk paro gu'au agamo temnai ngen tobo'o.

LUKAS 8:27

Pado waktau Yesus tu'un moi da'et, suang semanei de pasuk roh kidek teko ngen Si. Tun o kunei kota. Sudo an si coa makei bajau ngen coa lok tinggea neak umeak. Si lok tinggea neak guo-guo penan kubua.

LUKAS 8:34

Penjago-penjago ja'uak o kemliak jano de bi tejijai. Mako tobo'o melilai ngen semiar bito o neak kota ngen neak sadei rogok ne.

KISAH RASUL-RASUL 22:3

Si madeak, “Uku adeba tun Yahudi, laher neak Tarsus neak taneak Kilikia, tapi lai neak kota yo; ndidik ngen teliti neak beak pipinan Gamaliel lem hukum ninik puyang te, sehinggo uku jijai tun de giat kerjo utuk Allah serai awei udi kute pado waktau yo.

1 YOHANES 3:8

Tapi tun de tep menea duso adeba anok Iblis, sebab Iblis beduso sejak mulone. Utuk dioba Anok Allah teko, adeba utuk benaso pekerjaan Iblis.