LUKAS 8:31 - JANJAI BLAU Lem Bahaso Jang Bebilai

³¹ Semat-semat o bekinoi ngen Yesus, supayo Si jibeak meriteak tobo'o masuk moi lem Jurang Maut.

LUKAS 8:31 Iomraidhean Croise

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

LUKAS 8:28

Ketiko kemliak Yesus, si menggang lajau sujud neak adep Yesus ngen madeak, “Yesus, Anok Allah De Kembiak Lekat! Bakea Ko menea jano uku yo? Uku bekinoi jibeak semikso uku!”

LUKAS 8:32

Pa'ok penan o ade dau sekilai ja'uak de gidong mesoa upan neak li'ing tebo. Roh-roh kidek o minoi ngen kembiak ngen Yesus supayo nizin masuk moi lem ja'uak-ja'uak o. Yesus tujau.

ROMA 10:7

atau, ‘Api bakea tu'un moi jurang maut?’ (adeba: utuk mbin Yesus kenek kunei antaro tun matei).”

WAHYU 11:7

Sesudo tobo'o selsei melei bito tobo'o, benatang de keluea kunei jurang maut bakea melawen tobo'o. Si bakea maleak ngen munuak tobo'o.

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 9:11

Tobo'o temuan rajo de meriteak tobo'o, rajo o adeba malaikat de tanggung jawab das jurang maut. Neak lem bahaso Ibrani, genne adeba Abadon; lem bahaso Yunani Apolion (taine “Pengusak”).