LUKAS 8:14 - JANJAI BLAU Lem Bahaso Jang Bebilai

¹⁴ Biniak de us neak tengeak sakea betebok ibarat tun de temi'uk bito o, tapi khawatir tetang idup tobo'o serto lok idup mewah ngen senang neak lem dunio yo. Kutene o mipit tobo'o sehinggo coa masea buak de mesok.

LUKAS 8:14 Iomraidhean Croise

MATIUS 13:22

Biniak de cucia neak tengeak-tengeak belukea tebok awei tun-tun de temi'uk kabar'o, tapi renyeng tetang idup tobo'o ngen lok idup mewah. Kerno'o kabar kunei Allah tipit neak lem atei tobo'o sehinggo coa bebueak.

MARKUS 4:19

Tapi kwatir tetang idup tobo'o ngen lok idup senang. Nafsu utuk memecem hal masuk moi lem atei tobo'o. Kerno o bito kunei Allah telipit neak lem atei tobo'o, sehinggo coa bebuak.

LUKAS 16:13

Coa suang tun de dapet kerjo ngen duai tuan. Sebab si bakea lebiak mengasiak de do kunei pado de luyen, atau si bakea lebiak setia ngen tuan de do kunei pado de luyen. Awei o ba kulo ngen udi. Ko coa dapet bekerjo utuk Allah ngen utuk harto bendo kulo.”

LUKAS 21:34

“Jagoba dirainu, jibeak sapei udi kembiak sibuk bepesta ngen mabuk menem, atau kembiak meker soal-soal idupnu, sehinggo udi coa siap ketiko bilai o teko ngen tetibo.

LUKAS 8:13

De us neak taneak de bebutau o siba tun-tun de sesudo temi'uk firman o, temimone ngen riang, tapi tobo'o o coa balet, tobo'o masai tegoa bae ngen lem maso pencobaan tobo'o murtad.

LUKAS 8:15

Biniak de us neak taneak de subur ibarat tun de temi'uk Bito Baik o, lajau maikne neak lem atei de baik ngen jujur. Tobo'o beta'en sapei masea buak.”

LUKAS 8:7

Ade kulo biniak de us neak tengeak sakea betebok. Sakea betebok o temuak besamo biniak o, ngen mipitne sehinggo matei.

YOHANES 15:6

Api de coa tinggea lem Uku, si nuang moi luea awei dan jijai ke'ing, sesudo'o tun melunggukne nuang moi lem opoi lajau nembem.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

2 TIMOTIUS 4:10

kerno Demas bi teminggea uku kerno cito ngen dunio yo. Si bi lalau moi Tesalonika. Kreskes bi lalau moi Galatia, ngen Titus moi Dalmatia.

IBRANI 6:1

Kerno'o, maroba ite melakeak moi pelajaran-pelajaran tetang kehidupan Kristen de dewasa, jibeak cuma kemliak syari'ah ajaran agamo ite. Jibeak ite mulang igai pelajaran dasar bahwo tun harus bedan menea hal-hal de coa ade gunone, harus pecayo ngen Allah,