LUKAS 8:13 - JANJAI BLAU Lem Bahaso Jang Bebilai

¹³ De us neak taneak de bebutau o siba tun-tun de sesudo temi'uk firman o, temimone ngen riang, tapi tobo'o o coa balet, tobo'o masai tegoa bae ngen lem maso pencobaan tobo'o murtad.

LUKAS 8:13 Iomraidhean Croise

MARKUS 6:20

Kerno Herodes segan ngen Yohanes kerno si namen, bahwo Yohanes tun de benea ngen sucai, jijai si ngelindungne. Tiep kilai si temi'uk Yohanes, ateine jijai ragau, tapi si masai riang kulo temi'uk'o.

LUKAS 8:12

De us neak biding dalen o siba tun-tun de bi temi'ukne; sesudo'o Iblis teko lajau mok firman o kunei lem atei tobo'o, supayo tobo'o jibeak masai ngen senlamat.

LUKAS 8:14

Biniak de us neak tengeak sakea betebok ibarat tun de temi'uk bito o, tapi khawatir tetang idup tobo'o serto lok idup mewah ngen senang neak lem dunio yo. Kutene o mipit tobo'o sehinggo coa masea buak de mesok.

YOHANES 15:2

Tiep dan pado-Ku de coa bebuak, tentok-Ne ngen tiep dan de bebuak, nersi-Ne, supayo si lebiak dau buakne.

YOHANES 15:6

Api de coa tinggea lem Uku, si nuang moi luea awei dan jijai ke'ing, sesudo'o tun melunggukne nuang moi lem opoi lajau nembem.

YOHANES 5:35

Yohanes adeba awei lapu de idup ngen becahayo ngen ko cuma lok midep seketiko bae cahayone o.

1 KORINTUS 13:2

Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!

1 KORINTUS 15:2

Amen udi kuet bepegong pado jano de uku melei namen o, mako Bito Baik o semlamat udi; kecuali amen Saudaro pecayo coa gen taine.

GALATIA 3:1

Saudaro-saudaro tun-tun Galatia! Udi kebiak bodong! Api de sudo menghasut udi? Iso Yesus Kristus de senalib o bi uku jemlas ngen sejelas-jelasne ngen udi?

GALATIA 3:4

Jano sio-sio kute de sudo udi meding o? Maso sio-sio!

EFESUS 3:17

Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

KOLOSE 2:7

Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

1 TESALONIKA 3:5

Do'oba sebabne uku mutus Timotius, kerno uku lok nien namen awei ipe imennu lem hal pecayo ngen Kristus. Uku khawatir Iblis berasea menggoda udi sehinggo kute jerih payeak keme coa sio-sio.

1 TIMOTIUS 1:19

Berjuangba ngen bepegong pado kepercayaan de benea ngen atei nurani de sucai. Ade tun-tun de coa dulai ngen sa'ei atei nuranine, sehinggo ajuaba kepercayaan tobo'o.

IBRANI 10:39

Ite yo iso umat de mondor ngen sesat. Sebelekne, ite adeba umat de pecayo ngen Allah, de senlamat-Ne.

YAKOBUS 2:26

Nah, awei awok tanpa roh adeba awok de matei, awei o kulo imen tapi coa kenerjone adeba imen de matei.

2 PETRUS 2:20

Tun de kemnal Tuhan ngen Penyelamat ite Yesus Kristus sudo bebas kunei kuaso-kuaso dunio de menea manusio jijai najis. Tapi amen sesudo'o si tejerat igai sehinggo aleak ngen kuaso-kuaso o, mako keadaan tun o pado akhirne lebiak kidek kunei ayokne.

2 PETRUS 2:22

Jano de tobo'o nea melei bukti kebenaran pribahasa yo, “Kuyuk bakea mbuk igai jano de sudo nuteak ne,” ngen “Ja'uak de sudo ndai, bakea ngubang neak lem luluk.”

1 YOHANES 2:19

Musuak-musuak Kristus o adeba tun-tun de sudo teminggea ite, kerno tobo'o sebeneane iso tun-tun ite. Amen tobo'o tun-tun ite, paset bae tobo'o tep besamo-samo ite. Tapi tobo'o teminggea ite, supayo jelasba bahwo coa su'ang tun kulo kunei tobo'o de benea-benea termasuk kelopok ite.

YUDAS 1:12

Pado waktau udi menea pesta, sikep tun-tun o menea udi muak. Sebab tobo'o kembiak jelen mukmei, coa selek-selek, cuma meting diraine suang. Tobo'o awei embun de kembus angin, tapi coa temu'un ujen. Tobo'o kulo awei pun de coa ade bueakne kunyau musim bueak; pun-pun de sudo cenabut baletne ngen de sudo matei.