LUKAS 8:1 - JANJAI BLAU Lem Bahaso Jang Bebilai

¹ Coa an sesudo o, Yesus lalau moi kota-kota ngen sadei-sadei, utuk melei namen Bito Baik bahwo Allah muloi meriteak sebagai Rajo. Duai belas murid-murid-Ne sesamo Si.

LUKAS 8:1 Iomraidhean Croise

MATIUS 11:1

Sesudo Yesus melei petunjuk ngen keduai belas penotoa-Ne, Si teminggea penan'o. Si lalau majea ngen semiar kabar kunei Allah neak kota-kota de pa'ok neak di.

MATIUS 13:19

Biniak de cucia moi dalen awei tun-tun temi'uk kabar tetang awei ipe. Allah meriteak, tapi coa ngertai. Tun jahat'o teko ngen mbut jano de sudo tenbea lem atei tobo'o.

MATIUS 4:23

Yesus lalau moi kute penan neak daerah Galilea. Si ngajea tun dau tetang Allah de bakea mriteak ngen-Si kulo kemaen tun-tun kunei olonne ngen cacet.

MATIUS 9:35

Yesus kliling kunei do kota moi kota de luyen kunei do sadei moi sadei de luyen. Si ngajea lem umeak-umeak semyang, ngen semiar Bito Baik tetang awei ipe Allah mriteak awei Rajo. Si kema'en tun-tun de saro ngen kute olon ngen cacet.

MARKUS 1:39

Lajau lalauba Si moi kute kota Galilea melei namen Bito Baik neak lem umeak semyang tobo'o ngen musir semat-semat.

LUKAS 1:80

Anok Zakharia o betambeak lai ngen betambeak kuet rohne. Si tinggea neak benei libea, sapei waktaune si kemten diraine ngen bangso Israel.

LUKAS 20:1

Pado suaktau bilai ketiko Yesus ngajea tun dau neak Umeak Tuhan ngen semapei Bito Baik, tekoba imem-imem kepalo ngen gu'au-gu'au agamo serto tetuai moi mindi.

LUKAS 4:18

“Roh Tuhan ade pado-Ku, ngen sebab Si bi melatik Uku, utuk semapei Bito Baik ngen tun-tun peset. Ngen Si bi mutus Uku utuk melei bito tetang bebas tun-tun tahanan, ngen pengeliak bagiak tun-tun sutai, utuk mbebas tun-tun de jijai budok,

LUKAS 9:6

Murid-murid Yesus berakat, lajau lalau moi sadei utuk melei namen Bito Baik o ngen kema'en tun bolon neak ipe-ipe.

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 13:32

Keme uyo melei Bito Baik ngen udi: Bahwo janjai de nelei ngen ninik puyang te,

ROMA 10:15

Ngen awei ipe tobo'o dapet melei namen tetang Si, amen tobo'o coa nutus? Awei ade tetulis, “Padeak baikne tobo'o teko ngen mbin Bito Baik!”