LUKAS 7:16 - JANJAI BLAU Lem Bahaso Jang Bebilai

¹⁶ Kute tun o saben ngen tobo'o mujai Allah, samo madeak, “Suang nebai lai bi timboa neak tengeak-tengeak ite, ngen Allah bi teko utuk semlamat umat-Ne!”

LUKAS 7:16 Iomraidhean Croise

MATIUS 15:31

Tun dau neak di heran kemliak tun bisau pacok miling, tun tipang kaen, tun pakuak pacok paneu ngen tun sutai ngeliak. Tobo'o memujai Allah bangso Israel.

MATIUS 21:11

“Siba Nebai Yesus kunei Nazaret neak Galilea,” tun dau de mi'ing Yesus jemawab.

MATIUS 28:8

Gegulut selawei-selawei'o teminggea kubua'o ngen saben capua riang delai ngen mlilai utuk melei namen ngen penotoa-penotoa Yesus.

MATIUS 9:8

Waktau tun-tun kemliak hal'o, tobo'o saben lajau mujai Allah, sebab Allah bi melei kuaso kembiak lai ngen manusio.

LUKAS 1:65

Tetanggo-tetanggone kute saben. Bito o tesebea moi kute daerah neak tebo Yudea.

LUKAS 1:68

“Maro ite memujai Tuhan, Allah Israel! Si bi teko temulung umat-Ne ngen mbebas tobo'o.

LUKAS 19:44

Tobo'o bakea majua ko beserto penduduk de ade padonu. Ngen tobo'o coa bakea munyau do butau kulo tinggea teletok neak das butau de luyen, kerno ko coa ngertai waktau ketiko Allah teko utuk semlamat ko.”

LUKAS 2:20

Gembala-gembala o samo mujai ngen mulio Allah kerno kute de tobo'o teni'uk ngen tobo'o kemliak, kutene sesuai ngen jano de bi nadeak ngen tobo'o.

LUKAS 24:19

Nadeak-Ne ngen tobo'o, “Jano do'o.” Lajau jawab tobo'o, “Yesus tun Nazaret. Si adeba suang nebai, de bekuaso lem kerjo ngen kecek neak adep Allah ngen neak muko kute bangso keme.

LUKAS 5:26

Kute tun o kagum, lajau mujai Allah, ngen tobo'o kembiak saben, si madeak, “Bilai yo keme bi kemliak hal-hal de kembiak sele!”

LUKAS 5:8

Waktau Simon kemliak hal o si kulo sujud neak adep Yesus ngen madeak, “Tuhan, lalauba kuneiku, kerno uku yo tun beduso.”

LUKAS 7:15

Mako klongonba tun o ngen temot ngen muloi miling, ngen Yesus semreakne ngen indokne.

LUKAS 7:39

Waktau tun Farisi de mundang Yesus kemliak hal o, si madeak lem atei, “Kekiro tun yo nebai, paset Si namen api selawei o de megong Si, ngen bahwo selawei o idup lem duso!”

LUKAS 8:37

Lajau kute penduduk daerah Gerasa o minoi ngen kembiak supayo Yesus teminggea penan o, sebab tobo'o kute saben sekilai. Jijai Yesus kenek biduk lok belek.

LUKAS 9:19

Tobo'o jemawab, “Ade de madeak Yohanes Pembaptis. Ade kulo de madeak Elia, de luyen igai madeak saleak suang nebai zaman bel'o de sudo idup igai.”

YOHANES 1:21

Lajau tobo'o betanye ngen si, “Amen awei'o api? Jano ko Elia?” Yohanes jemawab, “Iso!” Tobo'o betanye igai, “Jano Ko bakea nebai de bakea teko?” Si kulo jemawa, “Iso!”

YOHANES 1:25

Tobo'o betanye ngen Yohanes, nadeakne, “Amen awei yo, getai Ko membaptis, amen Ko iso Rajo Penyelamat, iso Elia, ngen iso nebai de bakea teko?”

YOHANES 4:19

Nadeak selawei'o, “Tuan, nyato uyo ngen uku, bahwo Ko suang nebai.

YOHANES 6:14

Ketiko tun tun o kemliak tando mukzijat de sudo nea-Ne, tobo'o madeak, “Si yo benea-benea nebai de bakea teko moi lem dunio.”

YOHANES 9:17

Padeak tobo'o igai ngen tun sutai o, “Jano padeaknu tetang Si, kerno Si de menea ko pacok ngeliak?” Jawabne, “Si suang nebai.”

KISAH RASUL-RASUL 5:5

Waktau temi'uk kecek o, Ananias ubuak lajau matei. Kute tun de temi'uk tetang hal o jijai saben.

KISAH RASUL-RASUL 7:37

Siba kulo Musa de madeak ngen bangso Israel, ‘Allah bakea melei ngen ko suang nebai de niliak kunei antaro udi suang, serai awei si miliak uku.’

GALATIA 1:24

Mako tobo'o mujai Allah kerno uku.