LUKAS 6:45 - JANJAI BLAU Lem Bahaso Jang Bebilai

⁴⁵ Tun de baik kemluea hal-hal baik kerno ateine baik. Tun de jahat kemluea hal-hal de jahat kerno ateine penuak ngen jahat. Sebab jano de nucep ngen bibia do'oba de keluea kunei atei.”

LUKAS 6:45 Iomraidhean Croise

YOHANES 7:38

Api bae de pecayo ngen Uku, awei de nadeak ngen Kiteb Sucai, ‘Kunei lem ateine bakea ngalau aliran-aliran bioa idup.’ ” (

KISAH RASUL-RASUL 5:3

Mako Petrus madeak ngen si, “Ananias, getai ko munyau Iblis kemuaso atei nu, sapei ko mike ngen Roh Sucai, seca'o dediem tema'en utuk dirainu suang tengeak kunei caci jemuoa taneak o?

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

EFESUS 4:29

Jibeakba ade kecek de coa baik keluea kunei bibianu, tapi pakeiba kecek de baik utuk mbimbing ngen mulung tun luyen. Kecek-kecek awei o bakea jijai kebaikan ngen tun-tun de temi'ukne.

EFESUS 5:19

Pakeiba kecek-kecek kunei mazmur, legau puji-pujian ngen legau rohani. Lokba udi ngen riang atei mbin legau puji-pujian bagiak Tuhan.

KOLOSE 3:16

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

KOLOSE 4:6

Lokba hal-hal de udi nadeak bogoa semnang atei. Lokba udi namen awei ipe seharusne udi jemawap pertanyaan-pertanyaan tun.

IBRANI 8:10

Tapi uyo, dioba janjai de bakea Uku nea ngen umat Israel pado bilai-bilai de bakea teko, nadeak Tuhan: Uku bakea mpek hukum-Ku moi lem pekeran tobo'o, ngen temulisne neak atei tobo'o. Uku bakea jijai Allah tobo'o, ngen tobo'o bakea jijai umat-Ku.

YUDAS 1:15

utuk makim kute tun. Tuhan bakea mukum tun-tun jahat kerno plep-plep tobo'o de bejat. Si bakea mukum tun beduso ngen durhako kerno kute kecek mino de nedeakne.”