LUKAS 6:30 - JANJAI BLAU Lem Bahaso Jang Bebilai

³⁰ Amen tun minoi sesuaktau ngen ko, neleiba do'o ngen si; ngen amen hoknu nebut, jibeakba meminoine igai.

LUKAS 6:30 Iomraidhean Croise

MATIUS 18:35

Yesus semlesei ceritone awai yo, “Bak-Ku de neak surgo bakea menea awei yo kulo ngen udi, amen udi coa mapun pasuaknu ngen ikhlas.”

MATIUS 5:39

Tapi uyo Uku madeak ngen udi: jibeak bales dendam teadep tun de menea de kidek ngen udi, api bae de tempok papea kanen nu, kunyauba si tempok kulo papea kideu nu.

MATIUS 6:12

Napunba keme kunei saleak keme, awei keme kulo sudo melei apun ngen tun de besaleak ngen keme.

LUKAS 11:41

Tapi, neleiba isaine utuk sedekeak ngen sesungguakne kutene bakea jijai bersih utuknu.

LUKAS 12:33

Jenuoba kute hoknu ngen neleiba sedekeak! Meneaba bagiaknu dupet de coa dapet jijai tuai, do hok neak surgo de coa bakea abis, de coa dapet risau mokne ngen coa usak nembuk get.

LUKAS 18:22

Temi'uk do'o Yesus madeak ngen si, “Masiak tinggea do hal igai de harus ko menea: Jenuoba kute de ko temuan ngen nagiakba do'o ngen tun-tun peset, mako ko bakea dapet hok neak surgo. Sesudo'o teko moi miyo ngen milimba Uku.”

LUKAS 6:29

Amen tun tempok papeanu de do, kunyauba si tempok papeanu de depeak kulo. Amen jubahnu nebut, neleiba kulo bajaunu.

LUKAS 6:31

Amen ko lok tun luyen bebaik ngen ko, bebaik kulo ba ngensi.

LUKAS 6:38

Neleiba ngen tun luyen, supayo Allah kulo melei ngen ko. Udi bakea temimo pelei de kembiak dau de sudo tenakea padet-padet utuknu. Sebab takea de udi makei utuk tun luyen bakea nakei Allah utuknu.”

KISAH RASUL-RASUL 20:35

Lem kute pekaro uku bi melei contoh ngen ko bahwo ngen kerjo awei yo ite harus temulung tun-tun de lemah. Kerno ite harus inget ngen jano de Tuhan Yesus suang bi nadeak, ‘Lebiak riang melei kunei pado mimo.’ ”

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

EFESUS 4:28

Tun de galok maling, jibeakba si maling igai. Sebelekne si harus kerjo supayo dapet nafkahne ngen jujur, dapet mulung tun de peset.