LUKAS 6:23 - JANJAI BLAU Lem Bahaso Jang Bebilai

²³ Besukocitoba pado waktau o ngen beriangba, sebab sesungguakne, upeaknu lai neak surgo. Kerno seca'o awei yo kulo ninik puyang bi menea tobo nebai.

LUKAS 6:23 Iomraidhean Croise

MATIUS 5:12

Ko harus benea-benea riang, kerno upeaknu lai neak surgo. Nebai-nebai de idup ayok udi kulo bi senikso.”

LUKAS 1:41

Ketiko Elisabet temi'uk salam Maria, anok neak lem kandungan Elisabet o begerok. Mako Elisabet kenuaso Roh Allah,

LUKAS 1:44

Ketiko uku temi'uk salam nu, anok lem kandunganku begerok riang.

LUKAS 6:35

Seharusne iso awei'o! Udi sebelekne harus mengasiak musuaknu ngen menea baik ngen tobo'o. Udi harus melei minjem, ngen jibeak ma'ep dapet melek. Amen awei yo, upeaknu bakea lai ngen udi bakea jijai anok-anok Allah De Kembiak lekat. Sebab Allah baik atei te'adep tun de coa namen mokasiak, ngen te'adep de kidek kulo.

KISAH RASUL-RASUL 14:10

Paulus madeak ngen saei nya'ing, “Je ba!”

KISAH RASUL-RASUL 3:8

Si melupat je lajau paneu moi ipe bae ngen temotoa tobo'o moi lem Bait Allah, samo paneu ngen melupat-lupat serto mujai Allah.

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

ROMA 5:3

Ngen iso do'o bae. Ite malah bangga kulo lem derito ite, kerno ite namen bahwo derito o menea tun jijai taat,

2 KORINTUS 12:10

Kerno o, uku riang ngen rela neak lem kelemahan, neak lem sikso, neak lem saro, neak lem penganiayaan ngen sengsaro kerno Kristus. Sebab amen uku lemah, mako uku kuet.

KOLOSE 1:24

Uyo uku senang saro utuk kepentingannu. Sebab ngen derito, uku gemnep jano de masiak harus Yesus meding saro utuk jemaat-Ne, adeba awok-Ne.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

IBRANI 11:26

Musa meding bahwo uak lebiak behargo utuk dapet penghinaan demi Rajo Penyelamat de jenanjai Allah o daripado dapet kute hok negrai Mesir, sebab Musa ma'ep upeak neak kedong bilai.

IBRANI 11:6

Coa ade imen, coa suang kulo dapet semnang atei Allah. Sebab tun de teko ngen Allah harus pecayo bahwo Allah ade, ngen bahwo Allah melei bales ngen tun de mesoa-Ne.

YAKOBUS 1:2

Saudaro-saudaro! Amen udi meding memecem cobaan, lokba udi meding utung.

1 PETRUS 4:13

Malah, lokba udi meraso senang kerno milau menderita besamo-samo ngen Kristus. Mako konyo amen keagungan Kristus kenten, udi bakea bersukacita.

WAHYU 2:17

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang, bakea Uku melei izin embuk manna de tebunyin, masing-masing bakea temimo kunei Uku debuak butau putiak. Pado butau o tetulis do gen de belau, de coa namen api bae, seluyen tun de temimone.”

WAHYU 2:26

Tobo'o de menang, ngen sapei akhir bogoa menea jano de Uku lok, bakea Uku melei kuaso de serai awei de Uku temimo kunei Bapa-Ku. Tobo'o bakea temimo kuaso kunei Uku utuk meriteak bangso-bangso ngen tokot besai, ngen utuk majua bangso-bangso o awei ko'on kunei pitok.

WAHYU 2:7

Api dapet temi'uk, lokba temi'uk jano de nadeak Roh Allah ngen jemaat-jemaat! Tobo'o de menang, bakea Uku melei izin mbuk bueak kunei pun kehidupan de idup neak surgo.”

WAHYU 21:7

Tun-tun de menang bakea temimo kutene yo. Uku bakea jijai Allahne, ngen si jijai anok-Ku.

WAHYU 3:12

Tun de menang, Uku jemijai sebagai tiang lem Umeak Sucai Allah-Ku, ngen si bakea tinggea neak penan o selamo-lamone. Gen Allah-Ku, gen kota Allah-Ku – adeba Yerusalem blau de bakea tu'un kunei surgo, kunei Allah-Ku – bakea Uku temulis neak dirai tun o. Kulo gen-Ku de blau bakea Uku temulis neak diraine.

WAHYU 3:5

Api de menang bakea nakei jubah putiak. Uku coa bakea mapus genne kunei Bukau Tun Idup. Ngen neak adep Bapa-Ku ngen malaikat-malaikat-Ne Uku bakea makau bahwo tobo'o adeba de Uku temuan.