LUKAS 6:21 - JANJAI BLAU Lem Bahaso Jang Bebilai

²¹ Bahagiaba, hoi ko de uyo yo nyemen, kerno ko bakea nues. Bahagiaba, hoi ko de uyo yo ngindoi, kerno ko bakea tawai.

LUKAS 6:21 Iomraidhean Croise

MATIUS 5:4

Allah melei rahmat ngen tun de beduko Allah bakea mibur tobo'o!

MATIUS 5:6

Allah melei rahmat tun de taat ngen Si; Allah bakea jemawab jano de tobo'o!

LUKAS 1:53

Si melei kute de baik ngen tun de nyemen ngen meluak, tun de kayo lalau ngen tangen kosong.

LUKAS 6:20

Lajau Yesus kemliak murid-murid-Ne ngen madeak: “Bahagiaba, hoi ko de peset, kerno udi adeba anggota umat Allah.

LUKAS 6:22

Bahagiaba udi amen jenngik, tenulok, nino ngen fitneah kerno Anok Manusio.

LUKAS 6:25

Celakoba ko, de uyo yo kenyang, kerno ko bakea nyemen. Celakoba ko, de uyo yo tawai, kerno ko bakea ngindoi ngen sedingen.

YOHANES 11:35

Lajau ngindoi ba Yesus.

YOHANES 4:10

Jawab Yesus ngen si, “Amen ko namen tetang karunio Allah ngen api Si de madeak ngen ko, ‘Melei ba Uku menem!’ Paset ko bi minoi ngen-Si ngen Si bi melei ngen ko bioa idup.”

YOHANES 6:35

Nadeak Yesus ngen tobo'o, “Ukuba ruti de melei idup; api bae de teko ngen Uku, si coa bakea perneak nyemen igai, ngen api bae de pecayo ngen Uku, si coa bakea perneak haus igai.

1 KORINTUS 4:11

Sapei uyo keme nyemen ngen haus; keracok keme tinggea de neak awok bae; tun semikso keme; keme coa ade penan utuk tinggea;

2 KORINTUS 11:27

Uku kerjo keras ngen berjuang setengeak matei; cet coa tidua, coa mukmei, coa mbuk bioa, cet uku puaso, meding sengok kerno coa ade keracok ngen coa temuan penan tinggea.

2 KORINTUS 12:10

Kerno o, uku riang ngen rela neak lem kelemahan, neak lem sikso, neak lem saro, neak lem penganiayaan ngen sengsaro kerno Kristus. Sebab amen uku lemah, mako uku kuet.

2 KORINTUS 6:10

Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

WAHYU 21:3

Lajau uku temi'uk sa'ei de kembiak lek kunei takhta o madeak, “Uyo penan tinggea Allah adeba besamo-samo ngen manusio! Si bakea idup ngen tobo'o, ngen tobo'o bakea jijai umat-Ne. Allah suang bakea ade ngen tobo'o ngen jijai Allah tobo'o.

WAHYU 7:16

Tobo'o coa bakea meding nyemen atau haus; matai bilai atau panes coa igai bakea mbem tobo'o,