LUKAS 5:2 - JANJAI BLAU Lem Bahaso Jang Bebilai

² Si kemliak duai biduk neak pengger patoi. Nelayan-nelayanne bi tu'un ngen gidong mpuk jalaine.

LUKAS 5:2 Iomraidhean Croise

MATIUS 4:18

Tiko Yesus dong melitas Daneu Galilea, Si kemliak ade duai penjalai kan, Simon (de senbut Petrus), ngen pasuakne Andreas. Tobo'o dong mambua jalai neak daneu.

MATIUS 4:21

Sesudo Yesus lalau kunei di, Si kemliak duai pasuak de luyen, adeba Yakobus ngen Yohanes anok-anok Zebedeus. Tobo'o besamo-samo ngen bakne Zebedeus dong menea jalai neak lem biduk. Yesus menok tobo'o kulo,

MARKUS 1:16

Ketiko Yesus dong paneu moi Daneu Galilea, Si kemliak Simon ngen Adreas, pasuak Simon. Tobo'o dong mambua jalai neak daneu, karno tobo'o tukang jalai kan.

MARKUS 1:19

Sesudo Yesus temrus pemaneu-Ne didik igai, Si-kemliak Yakobus, anok Zabedeus, ngen Yohanes, pasuakne, dong penyep jalai neak lem biduk.

LUKAS 5:1

Pado waktau Yesus je neak patoi Daneu Genesaret, lajau tun dau gemlumbung Si. Tobo'o lok temi'uk firman Allah.

LUKAS 5:3

Si kenek moi saleak do biduk o, adeba biduk Simon, ngen meluak si supayo temuluk bidukne uak didik kunei patoi. Lajau Si temot ngen majea tun dau kunei das biduk.

YOHANES 1:40

Saleak suang kunei keduaine de temi'uk kecek Yohanes lajau temotoa Yesus adeba Andreas, pasuak Simon Petrus.