LUKAS 4:35 - JANJAI BLAU Lem Bahaso Jang Bebilai

³⁵ Tapi Yesus semgokne, Si madeak, “Diem, kelueaba kunei si!” Ngen semat o kulo meting tun o moi tengeak-tengeak tun dau, lajau keluea kunei si ngen samo sekilai coa megis ne.

LUKAS 4:35 Iomraidhean Croise

MATIUS 17:18

Lajau Yesus mriteak roh jahat de neak lem anok'o kelua, lajau roh jahat'o kelue ngen anok'o ka'en pado saat'o kulo.

MATIUS 8:26

Getai udi saben, nadeak Yesus, “Udi de ku'ang pecayo ngen Uku!” Sesudo'o kelongonba Yesus temgur ibut ngen daneu. Lajau daneu jijai kembiak tenang.

MARKUS 1:26

Roh kidek o gemuyang tun'o, samo menggang ngen saei kebiak lek roh kidek keluea kunei awokne.

MARKUS 4:39

Si lajau kelongon, semgok ibut'o ngen madeak ngen daneu'o, “Diem! Bedanba!” Lajau ibut'o bedan ngen daneu'o jijai tenang.

MARKUS 9:26

Lajau kelueaba roh'o samo menggang ngen gemuyang anok'o ngen padekne. Anok'o ketenne awei tun matei, sehinggo dau tun de madeak, “Si bi matei.”

LUKAS 11:22

Tapi amen suang de lebiak kuet semrang ngen maleak si, mako tun de lebiak kuet o bakea mbut kute senatai andalan tun de temuan umeak o, lajau magiak kute barang-barangne.

LUKAS 4:23

Mako madeakba Si ngen tobo'o, “Paset ko bakea madeak pateak yo ngen-Ku: Hoi dokter, kena'enba dirai-Nu suang. Meneaba neak yo kulo, neak penan asal Ko yo, kute de keme temi'uk de bi tejijai neak Kapernaum!”

LUKAS 4:39

Yesus lalau moi penan tidua o, lajau musir olon o. Olon o nyep, ngen indok setuang Simon lajau klongon ngen melayan tobo'o.

LUKAS 4:41

Kunei dau tun keluea kulo semat-semat samo menggang, “Ko adeba Anok Allah.” Tapi Yesus semgok tobo'o ngen coa mizin tobo'o miling, sebab tobo'o namen Siba Rajo Penyelamat.

LUKAS 8:24

Murid-murid Yesus lalau ngen-Si ngen geminggut Yesus. Tobo'o madeak, “Gu'au, Gu'au, ite celako!” Yesus klongon lajau semgok ibut ngen umbok de gidong lai o. Ibut ngen umbok o kulo bedan lajau daneu jijai kembiak tenong.

LUKAS 9:39

Sewaktau si senrang roh, lajau mendadak si menggang ngen roh o gemucangne sehinggo bibiane bukuak. Roh o terus bae semikso si ngen gesea coa lok teminggeane.

LUKAS 9:42

Sementaro anok o paneu ngen Yesus, roh kidek o manet si ngen menea awokne kejang-kejang. Tapi Yesus meriteak roh kidek o keluea ngen ka'enba anok o. Lajau anok o senreak igai ngen tiakne.

WAHYU 12:12

Sebab o, lokba surgo ngen kute de tinggea neak lemne, riang! Tapi celakoba bumai ngen laut, sebab Iblis bi tu'un ngen udi, ngen kembiak mengiak, kerno si namen bahwo waktaune tinggea didik igai.”