LUKAS 4:18 - JANJAI BLAU Lem Bahaso Jang Bebilai

¹⁸ “Roh Tuhan ade pado-Ku, ngen sebab Si bi melatik Uku, utuk semapei Bito Baik ngen tun-tun peset. Ngen Si bi mutus Uku utuk melei bito tetang bebas tun-tun tahanan, ngen pengeliak bagiak tun-tun sutai, utuk mbebas tun-tun de jijai budok,

LUKAS 4:18 Iomraidhean Croise

MATIUS 11:5

Tun buto kemliak, tun pakuak paneu, tun de temuan olon babok de kembiak saben ite kemliakne ka'en; tun setiuk temi'uk, tun matei idup igai, ngen Bito Baik kunei Allah senapei ngen tun peset.

MATIUS 12:18

“Keliakba, dioba utusan-Ku de niliak-Ku, Tun de Uku kemasiak ngen de semnang atei-Ku, Uku bakea melei Roh-Ku ngen-Si, Si bakea melei namen bangso-bangso bahwa tobo'o bakea temimo ukuman-Ku de adea.

MATIUS 12:20

Buluak de tekulaicoa bakea natiak-Ne lapu de pudea coa bakea padem-Ne. Si bakea bejuang sapei tecapai de adea.

MATIUS 4:16

Bangso de idup neak lem kegelapan, bi kemliak te'ang de kemliak te'ang! Bagi tobo'o de diem neak negrai tun-tun matei de kegelapan, be besinea cahayo te'ang!”

MATIUS 5:3

“Allah melei rahmat ngen tun de coa bedayo ngen de begatung ngen Tuhan bae; tobo'o adeba anggota umat Allah!

LUKAS 4:17

Ngen Yesus nelei kiteb Nebai Yesaya. Sesudo nukok-Ne, Yesus temau ayat, neak ipe ade tetulis:

LUKAS 6:20

Lajau Yesus kemliak murid-murid-Ne ngen madeak: “Bahagiaba, hoi ko de peset, kerno udi adeba anggota umat Allah.

LUKAS 7:22

Jijai Yesus jemawab, “Lalauba, ngen nadeakba ngen Yohanes jano de pasuak kemliak ngen ko temi'uk: Tun sutai kemliak, tun pakuak paneu, tun olon kidek jijai ka'en, tun seti'uk temi'uk, tun matei idup igai ngen tun peset nelei Bito Baik.

YOHANES 1:41

Andreas mulo-mulo magea Simon, pasuakne. Andreas madeak Simon, “Keme sudo temau Rajo Penyelamat.” (Taine: Kristus.)

YOHANES 12:46

Uku bi teko moi lem dunio awei te'ang, supayo tiep tun de pecayo ngen Uku jibeak tinggea neak lem kelem.

YOHANES 3:34

Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

KISAH RASUL-RASUL 4:26

Rajo-rajo dunio siap utuk perang, ngen tobo pemipin bekopoa utuk melawen Tuhan ngen Rajo Penyelamat.’

KISAH RASUL-RASUL 4:27

Sebab Herodes ngen Pontius Pilatus bi menea pertemuan ngen tun-tun de coa kemnal Tuhan ngen tun-tun Israel neak kota yo. Tobo'o temau utuk melawen Yesus Hambo-Nu de sucai o, de sudo Ko maket jijai Rajo Penyelamat.

KOLOSE 1:13

Si bi mbebas ite kunei kuaso kegelapan ngen maliak ite moi lem kerajaan Anok-Ne de kenasiak-Ne.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.