LUKAS 3:11 - JANJAI BLAU Lem Bahaso Jang Bebilai

¹¹ Yohanes jemawab, “Tun de temuan duai lambea bajau, harus melei ngen tun de coa temuan; ngen tun de temuan kembuk, harus magiakne.”

LUKAS 3:11 Iomraidhean Croise

MATIUS 25:40

Rajo'o bakea jemawab, ‘Namenba: Waktau udi menea hal'o sekilaipun ngen pasuak-Ku de tehino, berartai udi menea utuk-Ku!’

LUKAS 11:41

Tapi, neleiba isaine utuk sedekeak ngen sesungguakne kutene bakea jijai bersih utuknu.

LUKAS 18:22

Temi'uk do'o Yesus madeak ngen si, “Masiak tinggea do hal igai de harus ko menea: Jenuoba kute de ko temuan ngen nagiakba do'o ngen tun-tun peset, mako ko bakea dapet hok neak surgo. Sesudo'o teko moi miyo ngen milimba Uku.”

LUKAS 19:8

Tapi Zakheus je ngen madeak ngen Tuhan, “Tuhan, keliakba, setengeak kunei hokku bakea uku melei ngen tun peset ngen sekirone ade sesuaktau de uku mbut kunei sesuang bakea uku melek pat kilai lipet.”

YOHANES 13:29

Kerno Yudas megong kutak, ade de sako bahwo Yesus meluak si temukua bae utuk pesta o, melei jano bae ngen tun peset.

KISAH RASUL-RASUL 10:2

Si saleh, si beserto keluargone saben bakea Allah. Si dau temulung tun-tun Yahudi de peset, si bogoa bedu'o ngen Allah.

KISAH RASUL-RASUL 10:31

Si madeak: Kornelius, du'onu bi teni'uk Allah, sedekeaknu bi ninget neak adep-Ne.

KISAH RASUL-RASUL 10:4

Kornelius demnong malaikat o ngen saben lajau madeak, “Ade jano, Tuan?” Jawab malaikat o ngensi, “Kute du'onu, sedekeaknu bi kenek moi hadirat Allah, Allah minget ko.

EFESUS 4:28

Tun de galok maling, jibeakba si maling igai. Sebelekne si harus kerjo supayo dapet nafkahne ngen jujur, dapet mulung tun de peset.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

1 TIMOTIUS 6:18

Meleiba nasihat ngen tobo'o supayo menea de baik, jijai kayo lem plep de baik, mu'eak atei ngen galok melei.

IBRANI 6:10

Allah iso Allah de coa adea. Si tep minget jano de udi nea utuk-Ne, kasih de udi kemten ngen Si sewaktau temulung saudaro-saudaro do imen, bel'o sapei uyo.

YAKOBUS 1:27

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

YAKOBUS 2:14

Saudaro-saudaro! Jano gunone tun madeak, “Uku tun de pecayo”, amen si coa temunjukne ngen perbuatanne? Jano dapet imen de awei o semlamatne?

1 YOHANES 3:17

Amen ade tun kayo kemliak saudarone peset, tapi coa lok temulung saudarone o, awei ipe tun o dapet madeak bahwo si mengasiak Allah?

1 YOHANES 4:20

Amen suang tun madeak, “Uku mengasiak Allah,” tapi si coa mengasiak saudarone, tun o pendusta. Sebab tun de coa mengasiak saudarone de kemliakne, coa mukin dapet mengasiak Allah de coa kemliakne.