LUKAS 24:30 - JANJAI BLAU Lem Bahaso Jang Bebilai

³⁰ Waktau Si temot mukmei ngen tobo'o, Si mok ruti, mucep berkat, lajau memecuakne ngen meleine ngen tobo'o.

LUKAS 24:30 Iomraidhean Croise

MATIUS 14:19

Sudo'o Si meluak tun dau'o temot neak das dukut. Lajau Si mok lemo ruti ngen duai kan'o, ngen cungok moi lenget, lajau mucep syukur ngen Allah. Sudo'o Si megit ruti'o ngen tangan-Ne ngen mlei-Ne ngen penotoa-penotoa-Ne utuk nagiak-nagiak ngen tun dau'o.

MATIUS 15:36

Sudo'o Si mok tujuak ruti ngen kan'o, ngucep sukur ngen Allah. Yesus megit ruti ngen kan'o ngen tangen-Ne, lajau Si melei penotoa-Ne ngen tobo'o magiak ngen tun dau'o.

MATIUS 26:26

Waktau tobo'o mukmei, Yesus mok ruti, lajau mucep du'o syukur. Sesudo'o Si megit ruti'o ngen tangen-Ne lajau melei ngen penotoa-penotoa-Ne samo madeak, “Mok ngen kembukba, dioba awok-Ku.”

MARKUS 14:22

Ketiko Yesus ngen murid-murid-Ne dong mukmei, Yesus mok ruti, mucep syukur, mecuak-mecuakne lajau melei ngen tobo'o ngen madeak, “Mokba, dioba awok-Ku.”

MARKUS 6:41

Sesudo mok lemo ruti ngen duai kan'o, Yesus nanggeak moi lenget ngen mucep syukur, lajau mecuak ruti'o ngen magiakne ngen murid-murid-Ne, supayo nagiak ngen kute tun o; sesudo'o Si magiak ke duai kan'o ngen tobo'o kute.

MARKUS 8:6

Lajau Si meluak tun dau'o temot neak pitok. Sesudo'o Si mok tujuak ruti'o, mucep syukur, megit ruti'o ngen tangen-Ne magiakne ngen murid-murid-Ne utuk nagiakne, tobo'o meleine ngen tundau.

LUKAS 22:19

Lajau Yesus mok ruti. Sesudo mucep syukur, Si memecuakne ngen meleine ngen tobo'o, nadeak-Ne, “Dioba awok-Ku de senreak bagiak udi; neaba dio utuk minget Uku.”

LUKAS 24:29

Tapi tobo'o kembiak demsok Si, nadeakne, “Tinggeaba sesamo ngen keme, sebab bilai bi gesea kelmen ngen mataibilai gesea tebenem.” Lajau masukba Si utuk tinggea sesamo ngen tobo'o.

LUKAS 24:35

Lajau keduai tun o kulo cemrito jano de tejijai neak tengeak dalen ngen awei ipe tobo'o kemnal Si pado waktau Si memecuak ruti.

LUKAS 9:16

Lajau Yesus mok lemo ruti ngen duai kan o, sesudo'o nanggeak moi lenget ngen mucep mokasiak ngen Allah. Sesudo'o o Si megit ruti ngen kan o ngen tangen-Ne lajau meleine ngen murid-murid-Ne utuk nagiak ngen tun dau o.

YOHANES 6:11

Lajau Yesus mok ruti o, mucep syukur ngen magiakne ngen tobo'o de temot neak di, awei o kulo nea-Ne ngen kan-kan o, kekedau de tobo'o kelok.

KISAH RASUL-RASUL 2:42

Tobo'o tekun lem pengajaran rasul-rasul ngen bogoa bekopoa sesamo. Tobo'o mukmei sesamo ngen bedu'o sesamo.

KISAH RASUL-RASUL 2:46

Tiep bilai tobo'o bogoa bekopoa neak Bait Allah; serto mukmei serpok, ngen riang ngen rendeak atei neak umeak-umeak tobo'o.

KISAH RASUL-RASUL 27:35

Sesudo Paulus madeak awei o, si mok ruti, mucep syukur ngen Allah neak adep tobo'o kutene, mecuak-mecuakne, lajau muloi mbuk.