LUKAS 23:5 - JANJAI BLAU Lem Bahaso Jang Bebilai

⁵ Tapi tobo'o kembiak kuet demsok, nadeakne, “Si majung rakyat ngen ajaran-Ne neak kute Yudea, Si muloi neak Galilea ngen sudo sapei moi mindi.”

LUKAS 23:5 Iomraidhean Croise

MATIUS 11:1

Sesudo Yesus melei petunjuk ngen keduai belas penotoa-Ne, Si teminggea penan'o. Si lalau majea ngen semiar kabar kunei Allah neak kota-kota de pa'ok neak di.

MATIUS 2:1

Yesus laher neak kota Betlehem, taneak Yudea, waktau Rajo Herodes dong meriteak. Waktau'o kekedau tun pacok lemau bitang teko kunei timur moi kota Yerusalem.

MATIUS 27:24

Akhirne Pilatus semadar amen si coa nam menea jano-jano igai, ngen tun-tun'o mukin bakea kemacau. Si mok bioa lajau mpuk tangenne. “Uku coa tanggung jawab das matei-Ne tun yo! Do'o urusan udi dewek!”

MATIUS 4:23

Yesus lalau moi kute penan neak daerah Galilea. Si ngajea tun dau tetang Allah de bakea mriteak ngen-Si kulo kemaen tun-tun kunei olonne ngen cacet.

MARKUS 1:14

Sesudo Yohanes tenakep tekoba Yesus moi Galilea semiar Bito Baik kunei Allah.

LUKAS 11:53

Waktau Yesus teminggea penan o, gu'au-gu'au agamo ngen tun-tun Farisi ngecam Yesus ngen lek. Tobo'o muloi macing Si supayo Si lok miling tetang dau hal.

LUKAS 23:23

Tapi ngen menggang tobo'o demsok ngen temutut, supayo Yesus senalib, ngen akhirne tobo'o menang.

LUKAS 23:6

Ketiko Pilatus temi'uk do'o si temnai, “Jano Tun o suang Galilea?”

YOHANES 1:43

Bilai menne Yesus mutus utuk berakat moi Galilea. Si temau ngen Filipus, ngen madeak ngen si, “Totoaba Uku!”

YOHANES 19:15

Lajau menggangba tobo'o, “Nunuak Si! Nunuak Si! Senalib Si!” Nadeak Pilatus ngen tobo'o, “Arus uku semalib rajonu?” Jawab imem-imem kepalo, “Keme coa temuan rajo seluyen Kaisar!”

YOHANES 2:11

Hal'o nea Yesus neak Kana de neak Galilea, sebagoi de pertamo kunei. Mujizat-mujizat-Ne ngen'o bi melei bukti kemulioan-Ne. Penotoa-penotoa-Ne pecayo ngen-Si.

YOHANES 7:41

De luyen madeak, “Si yo Rajo Penyelamat.” Tapi de luyen igai madeak, “Iso, Rajo Penyelamat coa teko kunei Galilea!

YOHANES 7:52

Jawab tobo'o, “Jano ko kulo tun Galilea? Senlidikba Kiteb Sucai ngen bakea namen bahwo coa ade nebai de teko kunei Galilea.”

KISAH RASUL-RASUL 10:37

Udi namen tetang kute sesuaktau de tejijai neak kute taneak Yudea, muloi kunei Galilea, sesudo baptisan de melei namen ngen Yohanes.

KISAH RASUL-RASUL 23:10

Tekea lai kulo tejijai, sehinggo pemipin pasukan saben, amen tobo'o bakea menggomboa Paulus. Kerno o si meriteak pasukan utuk tu'un moi beak ngen mok Paulus kunei tengeak-tengeak tobo'o, mbinne moi markas.

KISAH RASUL-RASUL 5:33

Waktau anggota-anggota Mahkamah Agamo o temi'uk o, tobo'o mengiak nien, tobo'o sepakat utuk munuak rasul-rasul o.

KISAH RASUL-RASUL 7:54

Waktau anggota-anggota Mahkamah Agamo o temi'uk kutene de nadeak Stefanus, tobo'o gis atei ngen mengiak nien ngen si.

KISAH RASUL-RASUL 7:57

Anggota-anggota mahkamah o mutup ti'uk tobo'o samo menggang, lajau serpok semrang Stefanus.