LUKAS 23:34 - JANJAI BLAU Lem Bahaso Jang Bebilai

³⁴ Yesus bedu'o, “Au Bapa! Napunba tobo'o, sebab tobo'o coa namen jano de tobo'o nea.” Ngen tobo'o muang lotre utuk magiak bajau Yesus.

LUKAS 23:34 Iomraidhean Croise

MATIUS 11:25

Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso.

MATIUS 11:26

Do'oba de semnang atei Bak.”

MATIUS 5:44

Tapi uyo Uku madeak ngen udi; kemasiakba musuaknu ngen bedu'oba utuk tobo'o de senikso udi,

MARKUS 15:24

Sesudo'o tobo'o senalib Si, lajau tobo'o magiak keracok-Ne ngen muang undi dasne utuk temenep pagiak saleak suang.

LUKAS 22:42

Nadeak-Ne, “Au Bapa-Ku, amen Ko lok, mokba saro yo kunei pado-Ku; tapi isoba kelok-Ku, tapi kelok-Nuba de tejijai.” [

YOHANES 17:9

Uku bedu'o utuk tobo'o. Iso utuk dunio Uku bedu'o, tapi utuk tobo'o, de sudo Ko melei ngen-Ku, sebab tobo'o adeba Ko temuan.

YOHANES 19:11

Yesus jemawab, “Ko coa temuan kuaso jano bae te'adep Uku, amen kuaso o coa nelei ngen ko kunei das. Sebab'o Si de semreak Uku ngen-Ko lebiak lai dusone.”

KISAH RASUL-RASUL 16:28

Tapi Paulus menggang ngen sa'ei lek, Paulus madeak, “Jibeak cemlako dirainu, kerno keme kutene masiak ade neak piyo!”

KISAH RASUL-RASUL 3:17

Pasuak-pasuak! Uyo uku namen bahwo jano de ko ngen pemipin-pemipinnu menea te'adep Yesus, do'o udi menea kerno udi coa namen jano de udi gidong nea.

KISAH RASUL-RASUL 7:60

Lajau si sujud ngen menggang ngen sa'ei lek, “Tuhan, jibeakba duso yo tenanggung moi das tobo'o!” Sesudo madeak awei o si matei.

ROMA 12:14

Meleiba berkat ngen api de semikso udi, meleiba berkat ngen jibeak mengutuk!

1 KORINTUS 2:8

Coa suang kulo kunei penguaso-penguaso zaman yo de namen tetang kebijaksanaan o. Sebab, seandaine tobo'o bi namenne, paset bae tobo'o coa bakea semalib Tuhan de mulio o.

1 KORINTUS 4:12

keme kerjo keras utuk mesoa kembuk. Amen keme senupeak, keme males ngen berkat; amen keme senikso, keme sabar;

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.

1 PETRUS 3:9

Jibeakba males kejahatan ngen kejahatan, atau caci maki ngen caci maki; sebelekne malesba ngen minoi berkat kunei Allah. Sebab Allah menok udi justru supayo udi temimo berkat kunei Allah.