LUKAS 23:33 - JANJAI BLAU Lem Bahaso Jang Bebilai

³³ Ketiko tobo'o sapei neak penan de genne “Tebo Krokong”, tobo'o semalib Yesus neak di ngen kulo keduai tun penjahat o, de suang neak depeak kanen-Ne ngen de luyen neak depeak kideu-Ne.

LUKAS 23:33 Iomraidhean Croise

MATIUS 20:19

Tobo'o bakea semreak Si ngen bangso-bangso de coa Yahudi, tobo'o kulo mliyam Si, semikso Si ngen semalib Si. Pado bilai ketelau Si idup igai.”

MATIUS 26:2

“Udi namen duai bilai igai Bilai Rayo Paskah ngen Anok Manusia bakea tun semreak ngen musuak-musuak-Ne, ngen tobo'o bakea senalib Si!”

LUKAS 24:7

adeba bahwo ‘Anok Manusio arus senreak moi tangen tun-tun beduso ngen senalib, ngen bakea idup igai pado bilai de ketelau.’ ”

YOHANES 18:32

Awei yo ba kelokne supayo tejijai firman Yesus, de nadeakne utuk madeak awei ipe ca'one Si bakea matei.)

YOHANES 3:14

Serai awei Musa kemnek dung tembaga pado de pun kiyeu neak benei libea, awei yo kulo Anok Manusio harus nelkat,

KISAH RASUL-RASUL 13:29

Sesudo tobo'o gemnep kutene de tetulis tetang Si, tobo'o temuun Si kunei kieu salib, lajau gemulek-Ne neak lem kubua.

KISAH RASUL-RASUL 2:23

Si de senreak Allah temurut maksud ngen rencano-Ne, sudo ko semalib ngen ko munuak liwet tangen bangso-bangso durhako.

KISAH RASUL-RASUL 5:30

Yesus, de udi senalib, bi idup igai kunei mateine ngen Allah ninik puyang ite.

GALATIA 3:13

Kristus bi mbebas ite kunei kutukan hukum agamo. Si menea o ngen munyau dirai-Ne terkutuk kerno ite. Sebab ade tetulis, “Terkutukba tun de matei genatung neak kieu salib!”

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.