LUKAS 23:25 - JANJAI BLAU Lem Bahaso Jang Bebilai

²⁵ Ngen si melepas tun de nasuk moi lem penjara kerno pembrontakan ngen munuak o sesuoi ngen tututan tobo'o, tapi Yesus senreakne ngen tobo'o utuk nea sesuoi ngen kelok tun-tun'o.

LUKAS 23:25 Iomraidhean Croise

MATIUS 27:26

Lajau Pilatus mlepas Barabas utuk tobo'o, ngen mluak tun cemambuk Yesus. Lajau Pilatus semreak Si utuk senalib.

MARKUS 15:15

Kerno Pilatus lok semnang atei tun dau'o, si mbebas Barabas utuk semreak ngen tobo'o. Dong Yesus cenambukne lajau semreak Si utuk senalib.

LUKAS 23:2

Neak di tobo'o muloi temuduak Si, nadeakne, “Bi dapet ngen keme, bahwo tun yo de limau bangso keme, ngen temgeak masen pajak ngen Kaisar, ngen tetang dirai-Ne Si madeak, bahwo Si adeba Kristus, adeba Rajo.”

LUKAS 23:24

Lajau Pilatus mutus, supayo tututan tobo'o kenabul.

LUKAS 23:26

Ketiko tobo'o mbin Yesus, tobo'o tema'en suang de genne Simon kunei Kirene, de blau teko kunei luea kota, lajau neletok salib o neak das bau ne, supayo nusungne samo temotoa Yesus.

LUKAS 23:5

Tapi tobo'o kembiak kuet demsok, nadeakne, “Si majung rakyat ngen ajaran-Ne neak kute Yudea, Si muloi neak Galilea ngen sudo sapei moi mindi.”

YOHANES 18:40

Tobo'o menggang kulo, “Jibeak Si, tapi Barabas!” (Barabas adeba suang perapok.)

YOHANES 19:16

Akherne Pilatus semreak Yesus ngen tobo'o utuk senalib, lajau tobo'o temimo Yesus.

KISAH RASUL-RASUL 3:14

Tapi udi bi temulok De Sucai ngen Benea, ngen lok tukang munuak utuk hadiah ngen udi.