LUKAS 22:42 - JANJAI BLAU Lem Bahaso Jang Bebilai

⁴² Nadeak-Ne, “Au Bapa-Ku, amen Ko lok, mokba saro yo kunei pado-Ku; tapi isoba kelok-Ku, tapi kelok-Nuba de tejijai.” [

LUKAS 22:42 Iomraidhean Croise

MATIUS 11:25

Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso.

MATIUS 11:26

Do'oba de semnang atei Bak.”

MATIUS 20:22

“Udi coa namen jano de udi minoi,” nadeak Yesus ngen tobo'o. “Jano udi sanggup menem kunei caker derito de mestai Uku menem yo?” “Sanggup,” tobo'o jemawab.

MATIUS 26:39

Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

MATIUS 26:42

Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

MATIUS 26:44

Yesus debat igai teminggea tobo'o lalau bedu'o ngen utuk ketelau kilaine ngen mucep duo de serai.

MATIUS 6:10

Ko ba Rajo keme. Kirone Ko mriteak neak bumai ngen neak Surgo.

MARKUS 14:36

Nadeak-Ne, “Au abba, Au Bapa, kute sesuatau mukin bagiak-Nu, mokba caker yo kunei adep-Ku, tapi jibeakba jano de Uku kenlok, seluyen jano de Ko kenlok.”

LUKAS 23:34

Yesus bedu'o, “Au Bapa! Napunba tobo'o, sebab tobo'o coa namen jano de tobo'o nea.” Ngen tobo'o muang lotre utuk magiak bajau Yesus.

YOHANES 18:11

Nadeak Yesus ngen Petrus, “Seno'ong pedangnu o; iso Uku arus menem derito de nelei Bapa ngen-Ku?”

YOHANES 4:34

Nadeak Yesus ngen tobo'o, “Kembuk-Ku adeba menea kelokne de mutus Uku ngen semelesei kerjo-Ne.

YOHANES 5:30

“Uku coa dapet menea jano bae kunei dirai-Ku suang. Uku mukum sesuoi ngen jano de Uku temi'uk. Ngen ukuman-Ku adea, sebab Uku coa temotoa kelok-Ku suang, seluyen kelok-Ne de mutus Uku.

YOHANES 6:38

Sebab Uku bi tu'un kunei surgo iso utuk menea kelok-Ku, seluyen kelok Si de sudo mutus Uku.

KISAH RASUL-RASUL 21:14

Kerno si coa lok temimo nasihat keme, keme nyereak ngen madeak, “Jijaiba kenlok Tuhan!”