LUKAS 22:36 - JANJAI BLAU Lem Bahaso Jang Bebilai

³⁶ Nadeak Yesus, “Tapi uyo yo, api de temuan dupet, lokba si mbinne, awei yo kulo de temuan sangau; ngen api de coa temuanne lokba si jemuoa jubahne ngen temukua pedang.

LUKAS 22:36 Iomraidhean Croise

MATIUS 10:10

Jibeakba udi mbin katung sedekea, atau duai lembea keracok utuk pemaneunu. Sebab tun de kerjo bi harusne nejamin nafkahne.

LUKAS 22:35

Lajau Si madeak ngen tobo'o, “Ketiko Uku mbo udi ngen coa mizin mbin dupet, sangau ngen sepatu, jano ade de ku'ang ngen udi?” Jawab tobo'o, “Coa!”

LUKAS 22:37

Sebab Uku madeak ngen udi, bahwo ayat Kiteb Sucai yo arus gennep pado-Ku. Si bakea te'itung neak antaro pembrutak-pembrutak. Sebab jano de tetulis tetang Uku gidong gennep.”

LUKAS 22:38

Nadeak tobo'o, “Tuhan, dio duai pedang.” Jawab-Ne, “Sudo gennep.”

YOHANES 15:20

Tinget ba jano de sudo Uku madeak ngen udi: ‘Suang pelayan coa ba lebiak lekat kunei tuanne.’ Amen tobo'o bi temotoa firman-Ku, tobo'o kulo bakea temotoa keceknu.

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

1 TESALONIKA 3:4

Pado waktau keme masiak besamo udi, keme bi melei namen ngen udi lebiak dute bahwo ite bakea saro. Ngen do'o benea-benea bi tejijai; udi suang namen.

1 PETRUS 4:1

Kerno Kristus sudo menderita seca'o jasmani, udi kulo harus kemuat dirai ngen pendirian de awei'o. Sebab tun de menderita seca'o awokne, cigai menea duso.