LUKAS 22:20 - JANJAI BLAU Lem Bahaso Jang Bebilai

²⁰ Awei'o kulo nea-Ne ngen makuk anggur sesudo mukmei; Si madeak, “Makuk anggur yo adeba perjanjian belau de nsah ngen daleak-Ku, de tenupeak bagiak udi.”

LUKAS 22:20 Iomraidhean Croise

MATIUS 26:28

Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

MARKUS 14:24

Ngen Si madeak ngen tobo'o, “Dioba daleak-Ku, daleak perjanjian de tenupeak bagiak dau tun.

1 KORINTUS 11:25

Awei'o kulo sesudo mbuk ruti, Tuhan mok caker anggur lajau madeak, “Anggur yo adeba janjai Allah de blau, jijai sah ngen daleak-Ku. Tiep kilai udi menem yo, neaba dio utuk minget Uku.”

2 KORINTUS 3:6

Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

IBRANI 12:24

Udi teko madep Yesus, Pengantara utuk janjai de belau o; udi madep daleak percikan de menjamin hal-hal de uak lebiak baik kunei de jenamin daleak Habel.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

IBRANI 9:15

Do'oba sebabne Kristus jijai Pengantara utuk suaktau janjai de blau, supayo tun de sudo nok Allah dapet temimo berkat-berkat kekal de sudo jenanjai Allah. Kutene o dapet tejijai kerno bi ade de matei, adeba Kristus; ngen mateine Kristus o mbebas tun kunei saleak-saleak de tobo'o nea waktau janjai de pertamo masiak berlaku.

IBRANI 9:17

Kerno su'et warisan coa berlaku selamo tun de meneane masiak idup. Su'et o berlaku cuma sesudo tun o matei.