LUKAS 22:19 - JANJAI BLAU Lem Bahaso Jang Bebilai

¹⁹ Lajau Yesus mok ruti. Sesudo mucep syukur, Si memecuakne ngen meleine ngen tobo'o, nadeak-Ne, “Dioba awok-Ku de senreak bagiak udi; neaba dio utuk minget Uku.”

LUKAS 22:19 Iomraidhean Croise

MATIUS 14:19

Sudo'o Si meluak tun dau'o temot neak das dukut. Lajau Si mok lemo ruti ngen duai kan'o, ngen cungok moi lenget, lajau mucep syukur ngen Allah. Sudo'o Si megit ruti'o ngen tangan-Ne ngen mlei-Ne ngen penotoa-penotoa-Ne utuk nagiak-nagiak ngen tun dau'o.

MATIUS 15:36

Sudo'o Si mok tujuak ruti ngen kan'o, ngucep sukur ngen Allah. Yesus megit ruti ngen kan'o ngen tangen-Ne, lajau Si melei penotoa-Ne ngen tobo'o magiak ngen tun dau'o.

LUKAS 22:17

Sesudo'o Si mok makuk anggur, mucep syukur, lajau madeak, “Mokba dio ngen nagiakba neak antaro udi.

LUKAS 22:20

Awei'o kulo nea-Ne ngen makuk anggur sesudo mukmei; Si madeak, “Makuk anggur yo adeba perjanjian belau de nsah ngen daleak-Ku, de tenupeak bagiak udi.”

LUKAS 24:30

Waktau Si temot mukmei ngen tobo'o, Si mok ruti, mucep berkat, lajau memecuakne ngen meleine ngen tobo'o.

YOHANES 6:23

Sementaro o kekedau biduk luyen teko kunei Tiberias pa'ok moi penan tobo'o mbuk ruti, sesudo Tuhan mucep syukur dasne.

YOHANES 6:51

Uku ba ruti de melei idup de sudo tu'un kunei surgo. Amen suang tun mbuk ruti yo, si bakea idup seka'en ne, ngen ruti de bakea Uku melei o adeba daging-Ku, de bakea uku melei utuk idup dunio.”

1 KORINTUS 10:16

Pado waktau ite menem anggur ngen mucep syukur ngen Allah, do'o kemten bahwo ite jijai ngen Kristus lem kematei-Ne. Pado waktau ite magiak ruti utuk nembuk besamo, do'o kemten bahwo ite jijai do lem awok Kristus.

1 KORINTUS 10:4

ngen embuk bioa rohani de serai. Tobo'o kutene embuk bioa kunei tebo butau rohani de semerto tobo'o; tebo butau o adeba Kristus suang.

GALATIA 1:4

Taat ngen kelok Allah Bapa ite, Kristus semreak dirai-Ne jijai kurban utuk duso-duso ite, supayo ite senlamat kunei zaman de jahat yo. Uku jijai rasul iso ngen perantara manusio atau kerno naket ngen manusio, mluyen ngen Yesus Kristus ngen Allah Bapa ite de sudo midup Si igai kunei matei.

GALATIA 4:25

Hagar adeba Tebo Sinai neak taneak Arab – ngen si serai ngen Yerusalem de uyo, kerno si idup lem perbudakan ngen anok-anokne.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

1 TESALONIKA 5:18

mucep syukurba lem kute hal, sebab do'oba de Allah kenlok kunei udi sebagai tun de idup jijai do ngen Kristus Yesus.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.