LUKAS 21:37 - JANJAI BLAU Lem Bahaso Jang Bebilai

³⁷ Yesus ngajea neak Umeak Tuhan pado kebilai, ngen kelmen billaine Si lalau moi Tebo Zaitun ngen tinggea neak di.

LUKAS 21:37 Iomraidhean Croise

MATIUS 21:1

Waktau bi paok Yerusalem, tobo'o sapei neak Betfage neak Tebo Zaitun. Neak'o Yesus meluak duai tun penotoa-Ne paneu lebiak deno.

MATIUS 21:17

Lajau Yesus teminggea tobo'o, keluae kunei kota'o moi Betania ngen temalem neak di.

MATIUS 26:30

Sesudo'o tobo'o nyanyi de buaek legau syukur. Ngen tobo'o lalau moi Tebo Zaitun.

MATIUS 26:55

Lajau Yesus madeak ngen tun dau'o, “Jano Uku yo penjahat, sapei udi teko ngen mbin pedang ngen gado utuk temakep Uku? Tiep bilai Uku ngajea neak Umeak Allah ngen udi coa temakep Uku!

MARKUS 11:12

Menne sesudo Yesus ngen keduai belas murid-Ne teminggea Betania, Yesus nyemen.

MARKUS 11:19

Ayok kelmen tobo'o keluea igai kunei kota.

MARKUS 14:49

Tiep bilai Uku ade neak tengeak-tengeak udi mengajea neak Bait Allah, ngen udi coa temakep Uku. Tapi harusba genep de tetulis lem Kiteb Sucai.”

LUKAS 19:29

Waktau sapei pa'ok Betfage ngen Betania neak Tebo Zaitun, Si meluak duai tun penotoa-Ne lalau lebiak dute.

LUKAS 19:37

Ketiko Yesus pa'ok Yerusalem, neak penan dalen menu'un kunei Tebo Zaitun, muloiba kute penotoa-Ne de mi'ing si beriang ngen mujai Allah ngen sa'ei nya'ing kerno kute mujizat de bi tobo'o keten.

LUKAS 19:47

Tetiep bilai Si ngajea neak lem Umeak Tuhan. Imem-imem kepalo ngen gu'au-gu'au agamo serto pemipin-pemipin Yahudi lok munuak Si,

LUKAS 22:39

Lalauba Yesus moi luea kota ngen awei ipe biaso Si temujau Tebo Zaitun. Penotoa-penotoa-Ne kulo temotoa Si.

YOHANES 12:1

Num Bilai Rayok Paskah, Yesus teko moi Betania, penan tinggea Lazarus de nidup igai ngen Yesus kunei antaro tun matei.

YOHANES 18:2

Yudas, de mianat Yesus, namen kulo penan o, kerno Yesus awit kopoa neak di ngen penotoa-penotoa-Ne.

KISAH RASUL-RASUL 1:12

Lajau belekba rasul-rasul o moi Yerusalem kunei tebo de senbut Tebo Zaitun, kekiro dekilo uakne kunei Yerusalem.