LUKAS 21:36 - JANJAI BLAU Lem Bahaso Jang Bebilai

³⁶ Bejago-jagoba, ngen bedu'oba bogoa supayo udi kuet matasi kute hal de bakea tejijai ngen udi dapet madep Anok Manusio.”

LUKAS 21:36 Iomraidhean Croise

MATIUS 24:42

Jijai, teateiba, sebab udi coa namen tengen Tuhannu bakea teko.

MATIUS 24:43

Ingetba dio! Seandaine temuan umeak namen jam kedau neak bilai klemen maling bakea teko, si coa bakea tidua, supayo maling coa masuk moi lem umeakne.

MATIUS 24:44

Sebab'o udi kulo mestai siap. Kerno Anok Manusio bakea teko pado saat de coa udi demugo.”

MATIUS 25:13

Lajau Yesus temutup perumpamo yo ngen madeak awei yo, “Kerno'o bejago-jagoba, kerno udi coa namen bilai ngen waktaune.”

MATIUS 26:41

Bejago-jagoba, ngen beduoba ngen Allah, supayo udi coa bakea tegoda. Rohnu lok taat, tapi udi coa sanggup kerno sifet manusio'o lemah.”

MATIUS 8:20

Yesus jemawab, “Serigala temuan lubang ngen burung temuan sa'ang, tapi anok manusio coa temuan penan Si tidua.”

MARKUS 13:33

Atei-ateiba ngen bejago-jagoba! Sebab udi coa namen tengen waktaune sapei.

MARKUS 13:37

Jano de Kunadeak ngen udi, Uku madeak ngen kute tun: bejago-jagoba!”

LUKAS 1:19

Jawab malaikat o ngen si, “Ukuba Gabriel de melayan Allah ngen uku bi nutus utuk miling ngen ko ngen utuk semapei Bito Baik yo ngen ko.

LUKAS 18:1

Yesus madeak do perumpamo ngen tobo penotoa-penotoane utuk temgas, bahwo tobo'o harus bogoa bedu'o ngen coa jejemau.

LUKAS 20:35

Tapi tun-tun de nanggap patut utuk dapet bagiak lem dunio de luyen o, coa nikeak.

LUKAS 21:35

Sebab Bilai o bakea teko awei tinjo pado kute tun neak muko bumai yo.

KISAH RASUL-RASUL 10:2

Si saleh, si beserto keluargone saben bakea Allah. Si dau temulung tun-tun Yahudi de peset, si bogoa bedu'o ngen Allah.

1 KORINTUS 16:13

Lokba udi waspada ngen teguak lem idupnu sebagai tun Kristen. Betindakba seca'o binai ngen jijaiba kuet.

2 KORINTUS 4:14

Keme yakin bahwo Allah de sudo midup igai Tuhan Yesus, bakea midup keme kulo ngen Yesus, ngen mbin udi ngen keme moi adep-Ne.

KOLOSE 4:2

Lokba udi taat bedu'o ngen siap siaga, samo mucep syukur ngen Allah.

1 TESALONIKA 5:17

tepba bedu'o

2 TIMOTIUS 4:5

Kunyau awei o, ko harus kemuaso dirainu lem keadaan awei ipe kulo. Tabah lem saro, kemerjoba tugasnu sebagai tukang melei Bito Baik o ngen neaba ngen sebaik-baikne kewajibannu sebagai pelayan Allah.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

1 YOHANES 2:28

Jijai, anok-anokku, tepba idup jijai do ngen Kristus, supayo amen Si teko, ite madep Si seca'o binai, ngen coa selek.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 11:4

Duai saksai o adeba duai pun zaitun ngen duai bueak kekea lapu de ade neak adep Tuhan semesta alam.

WAHYU 6:17

Bilai lai bi sapei, uyo tobo'o mengiak, coa suang kulo dapet taen teadep tobo'o!”

WAHYU 7:9

Sesudo'o uku kemliak igai, lajau keten tun dau de luea biaso daune – coa ade suang kulo de dapet mitung jumlahne. Tobo'o adeba tun-tun kunei tiep bangsa, suku, negara, ngen bahasa. Ngen makei jubah de putiak-putiak ngen megong dan-dan pun palem neak tangen, tun-tun dau o je madep takhta ngen madep Anok Bebirai o!

WAHYU 8:2

Lajau uku kemliak ketujuak malaikat de je neak adep Allah, ngen tobo'o nelei tujuak bueak trupet.