LUKAS 2:9 - JANJAI BLAU Lem Bahaso Jang Bebilai

⁹ Tetibo malaikat Tuhan kemten diraine ngen tobo'o, ngen cahayo te'ang kunei Tuhan besinea tem'ang tobo'o. Tobo'o kembiak saben.

LUKAS 2:9 Iomraidhean Croise

MATIUS 1:20

Waktau si meker klokne'o, malaikat Tuhan keten lem mipaine. Malaikat'o madeak, “Yusuf turunan Daud, jibeak saben nikeak Mariam; kerno Anok de neak lem kandungan Mariam tejijai kerno kuaso Roh Sucai kunei Allah.

LUKAS 1:28

Ketiko malaikat o masuk moi umeak Maria, si madeak, “Salam, hoi ko de nelei karunia, Tuhan semerto ko.”

LUKAS 2:8

Pado malem o ade gembala-gembala de gidong jemago bebiraine neak padang dukut neak daerah o.

LUKAS 24:4

Sementaro tobo'o je temenung kerno hal o, tetibo ade duai tun je pa'ok tobo'o makei bajau de becahayo.

YOHANES 12:41

Yesaya madeak awei'o, kerno si bi kemliak kemulioan-Ne ngen bi madeak tetang Si.

KISAH RASUL-RASUL 12:7

Tetibo je ba suang malaikat Tuhan pa'ok Petrus ngen cahayo besinea lem bilik sel'o. Malaikat'o minggut Petrus, nadeakne, “Kelongonba!” Lajau putusba ratoi'o kunei tangen Petrus.

KISAH RASUL-RASUL 27:23

Kerno kelemen nano suang malaikat kunei Allah de uku sembeak, adeba Allah de temuan uku, teko ngen uku.

KISAH RASUL-RASUL 5:19

Tapi kelemenne, suang Malaikat Tuhan mukok bang-bang sel, lajau mbin rasul-rasul o moi luea. Malaikat o madeak ngen rasul-rasul o,

2 KORINTUS 3:18

Ite kutene adeba senno kemulioan Tuhan ngen papea de coa tenutup selikep. Kerno kemulioan o tekone kunei Tuhan de adeba Roh, mako ite dong nubeak jijai awei ngen gambar-Ne, lem kemulioan de tambeak lai.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

IBRANI 12:21

Jano de kenliak tun-tun Israel o kembiak baik sapei Musa madeak, “Uku saben ngen kemtea!”

WAHYU 18:1

Sesudo'o uku kemliak malaikat luyen tu'un kunei surgo. Si temuan kuaso de lai, ngen kemulianne menea kute bumai jijai te'ang.

WAHYU 20:11

Sesudo'o uku kemliak debueak takhta putiak de lai ngen Si de temot neak dasne. Lenget ngen bumai nyep kunei adep-Ne, sehinggo coa keten igai.