LUKAS 2:49 - JANJAI BLAU Lem Bahaso Jang Bebilai

⁴⁹ Yesus jemawab, “Getai tiak ngen indok mesoa Uku? Jano tiak ngen indok coa namen Uku arus ade neak lem umeak Bak-Ku?”

LUKAS 2:49 Iomraidhean Croise

MATIUS 21:12

Lajau Yesus masuk moi Bait Allah tun Yahudi ngen musir kute tun de jagea ngen de nukua neak di. Si musak mija-mija penan mukar caci ngen baku-baku tukang jagea burung daro.

LUKAS 2:48

Tun tuai-Ne indeak kemlik Si. Indok-Ne madeak ngen si, “Nok, getai ko menea yo ngen keme? Tiak-Nu ngen indok-Nu temes mesoa ko!”

YOHANES 4:34

Nadeak Yesus ngen tobo'o, “Kembuk-Ku adeba menea kelokne de mutus Uku ngen semelesei kerjo-Ne.

YOHANES 5:17

Tapi Si madeak ngen tobo'o, “Bapa-Ku kerjo sapei uyo, mako Uku kerjo kulo.”

YOHANES 5:36

Tapi Uku temuan suatu saksai de lebiak peting kunei saksai Yohanes, adeba kute kerjo de senereak Bapa ngen Uku, supayo Uku kemerjone. Kerjo o kulo de kenerjo-Ku uyo, ngen do o ba de melei saksai tetang Uku, bahwo Bapa de mutus Uku.

YOHANES 6:38

Sebab Uku bi tu'un kunei surgo iso utuk menea kelok-Ku, seluyen kelok Si de sudo mutus Uku.

YOHANES 8:29

Si, de sudo mutus Uku, semerto Uku. Si coa perneak teminggea Uku suang, sebab Uku bogoa menea jano de semnang atei-Ne.”

YOHANES 9:4

Ite arus kemerjo kerjo Si de mutus Uku, selamo masiak kebilai; bakea teko kelemen neak ipe coa ade suang tun de dapet bekerjo.