LUKAS 2:14 - JANJAI BLAU Lem Bahaso Jang Bebilai

¹⁴ “Tepujaiba Allah neak lenget de kembiak lekat! Ngen neak das bumai, sejahteraba manusio de semnang atei Tuhan!”

LUKAS 2:14 Iomraidhean Croise

MATIUS 21:9

Tun dau de paneu neak muko ngen neak belakang Yesus mengang, “Idup Anok Daud! Tuhan melei Rahmat ngen Si de teko das gen-Ne!”

LUKAS 1:79

awei yo ba Si melei te'ang-Ne ngen kute tun de idup neak lem kelem ngen saben. Si mipin ite moi dalen damoi sejahtera.”

LUKAS 19:38

Nadeak tobo'o, “Berkatba Si de teko awei Rajo lem gen Tuhan! Damoi sejahtera neak surgo, ngen kemulio Allah neak penan De Kembiak Lekat!”

LUKAS 2:13

Tetibo malaikat o senerto dau malaikat luyen, de mujai Allah. Tobo'o madeak,

LUKAS 2:15

Sesudo'o malaikat-malaikat o teminggea tobo'o ngen belek moi surgo. Gembala-gembala o madeak suang ngen de luyen, “Maroba ite lalau moi Betlehem utuk kemliak jano de tejijai neak di, awei de nelei namen Tuhan ngen ite.”

LUKAS 3:22

Roh Allah tu'un moi das Yesus awei burung daro. Lajau teti'uk sa'ei Allah madeak, “Koba Anok-Ku de Uku kemasiak. Ko semnang atei-Ku.”

YOHANES 14:27

Damoi sejahtera Uku melei utuk udi. Damoi sejahtera-Ku Uku melei ngen udi, jano de Uku melei coa awei de nelei kunei dunio ngen udi. Jibeakba liseak ngen saben atei nu.

YOHANES 17:4

Uku bi mulio Ko neak bumai ngen semlesei kerjo de Ko melei ngen-Ku utuk uku meneane.

YOHANES 3:16

Kerno kembiak lai kasiak Allah bakea dunio yo, sehinggo Si bi melei karunio Anok-Ne de tunggea, supayo tiep tun de pecayo ngen-Si coa benaso, tapi dapet idup de kekal.

KISAH RASUL-RASUL 10:36

Do'oba firman de Si semapei ngen tun-tun Israel waktau si melei namen damoi sejahtera liwet Yesus Kristus de adeba Tuhan kunei kute tun.

ROMA 5:1

Sebab o, ite de benea kerno imen, ite idup lem damoi sejahtera ngen Allah kerno Tuhan ite, Yesus Kristus.

EFESUS 1:6

Tepujaiba Allah de agung, kerno liwet Anok-Ne de tecito Si kebiak sayang ngen ite.

EFESUS 1:9

Sebab Allah bi melei namen ngen ite resio rencano-Ne, Si bi melei keputusan bahwo rencano-Ne o bakea senlesei liwet Kristus.

EFESUS 2:4

Tapi padeak laine kemurahan atei Allah! Si kebiak mengasihi ite,

EFESUS 2:7

Allah nea o supayo pado zaman de bakea teko, manusio dapet kemliak padeak laine kasih Allah. Kasih o kenten Allah liwet kebaikan atei-Ne ngen ite liwet Yesus Kristus.

FILIFI 2:11

Tobo'o kutene bakea makau bahwo Yesus Kristusba Tuhan; ngen awei yo mulioba Allah Bapa.

FILIFI 2:13

kerno Allahba de kemerjo neak lem dirainu utuk menea udi rela ngen sanggup semnang atei Allah.

KOLOSE 1:20

Ngen liwet Anok o kulo Allah mutus utuk menea kute sesuaktau baik igai ngen Si – baik kute sesuaktau neak dunio, atau de neak surgo. Allah menea o liwet mateine Anok-Ne neak salib.

2 TESALONIKA 2:16

Semoga Tuhan ite Yesus Kristus suang, ngen Allah Bapa ite mibur ngen kemuet ateinu, supayo udi dapet menea ngen melei namen jano de baik. Sebab Allah mengasihi ite, ngen kerno atei-Ne baik Si menea ite tep tabah, serto ma'ep de baik.

WAHYU 5:13

Lajau uku temi'uk kute makhluk neak lenget, neak bumai, neak beak bumai ngen neak lem laut – siketne kute makhluk neak semesta alam yo – nyanyi, “Si de temot neak das takhta, ngen Sang Anok Bebirai o, adeba tepujai ngen terhormat serto agung ngen bekuaso utuk selamo-lamone!”