LUKAS 18:43 - JANJAI BLAU Lem Bahaso Jang Bebilai

⁴³ Ngen seketiko o kulo, tun sutai dapet ngeliak. Si temotoa Yesus samo mujai Allah. Kute rakyat kemliak hal o ngen mujai Allah.

LUKAS 18:43 Iomraidhean Croise

MATIUS 11:5

Tun buto kemliak, tun pakuak paneu, tun de temuan olon babok de kembiak saben ite kemliakne ka'en; tun setiuk temi'uk, tun matei idup igai, ngen Bito Baik kunei Allah senapei ngen tun peset.

MATIUS 21:14

Tun-tun buto ngen pakuak teko ngen Si neak Bait Allah, si kemaen tobo'o.

MATIUS 9:8

Waktau tun-tun kemliak hal'o, tobo'o saben lajau mujai Allah, sebab Allah bi melei kuaso kembiak lai ngen manusio.

LUKAS 13:17

Ngen waktau Si madeak awei yo, kute lawen-Ne meding selek ngen kute tun dau senang kerno kute pekaro mulio, de bi Si menea.

LUKAS 19:37

Ketiko Yesus pa'ok Yerusalem, neak penan dalen menu'un kunei Tebo Zaitun, muloiba kute penotoa-Ne de mi'ing si beriang ngen mujai Allah ngen sa'ei nya'ing kerno kute mujizat de bi tobo'o keten.

LUKAS 4:39

Yesus lalau moi penan tidua o, lajau musir olon o. Olon o nyep, ngen indok setuang Simon lajau klongon ngen melayan tobo'o.

LUKAS 5:26

Kute tun o kagum, lajau mujai Allah, ngen tobo'o kembiak saben, si madeak, “Bilai yo keme bi kemliak hal-hal de kembiak sele!”

KISAH RASUL-RASUL 11:18

Waktau tobo'o temi'uk hal'o, tobo'o jijai tenang, lajau memulikan Allah, nadeakne, “Jijai, bangso-bangso luyen kulo Allah melei karunio utuk tobat kunei duso-dusone.”

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

KISAH RASUL-RASUL 4:21

Anggota-anggota sidang o coa dapet do alasan kulo utuk mukum Petrus ngen Yohanes. Tobo'o macam keduai rasul o, lajau melpas keduai ne, sebab kute tun mujai Allah kerno hal o.

GALATIA 1:24

Mako tobo'o mujai Allah kerno uku.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.