LUKAS 18:16 - JANJAI BLAU Lem Bahaso Jang Bebilai

¹⁶ Tapi Yesus menok anok-anok'o ngen madeak ngen tobo penotoa-penotoa-Ne, “Kunyauba anok-anok o teko ngen-Ku, ngen jibeak udi temgeak tobo'o, sebab tun-tun de awei do'oba de jijai anggota umat Allah.

LUKAS 18:16 Iomraidhean Croise

MATIUS 19:14

Mako Yesus madeak ngen penotoa-penotoa-Ne, “Kunyauba anok-anok'o teko ngen Uku! Jibeakba tengeak tobo'o, Sebab tun-tun de awei yo de jijai anggota umat Allah.”

LUKAS 18:15

Mako teko tun-tun mbin anok-anokne de titik ngen Yesus, supayo Si megong tobo'o. Kemliak o penotoa-penotoa-Ne mengiak tun-tun o.

LUKAS 18:17

Uku madeak ngen udi, ‘Sesungguakne barang api coa semambut Allah meriteak sebagai Rajo awei suang anok titik, si coa bakea masuk moi lemne.’ ”

KISAH RASUL-RASUL 2:39

Sebab de jenanjai Allah o adeba utuknu ngen royotnu serto utuk tun-tun de ade neak penan-penan de uak – adeba kute tun de menok Allah Tuhan ite utuk teko ngen-Si.”

1 KORINTUS 14:20

Saudaro-saudaro! Jibeakba meker awei anok titik. Lem hal-hal kejahatan, lokba udi tep awei anok titik. Tapi lem pekeran, lokba udi jijai tun lai.

1 KORINTUS 7:14

Sebab sematen de coa pecayo nam tenimo utuk jijai anggota umat Allah kerno nikeakne ngen pengaten selawei de sudo jijai Allah temuan. Awei'o kulo pengaten selawei de coa pecayo nam tenimo utuk jijai anggota umat Allah, kerno nikeakne ngen sematen de sudo jijai Allah temuan. Amen coa awei'o, anok-anok'o nanggep sebagai anggota umat Allah.

1 PETRUS 2:2

Lokba udi jijai awei cupik de pei laher, bogoa aus lok mbuk bioa susu de murni ngen de rohani. Ngen awei o udi bakea idup ngen selamat.