LUKAS 18:11 - JANJAI BLAU Lem Bahaso Jang Bebilai

¹¹ Tun Farisi o je ngen bedu'o lem ateine awei yo, ‘Au Allah, uku mucep syukur ngen Ko, kerno uku coa serai awei kute tun luyen, iso perapok, iso tun coa jujur, iso tun de berzinah ngen iso kulo awei penagiak pajak yo.

LUKAS 18:11 Iomraidhean Croise

MATIUS 10:3

Sudo'o Filipus ngen Bartolomeus, Tomas ngen Matius penagiak pajak, Yakobus anok Alfeus ngen Tadeus,

MATIUS 5:20

Jijai ingetba: Amen udi coa kemerjo periteak Allah lebiak kunei gu'au-gu'au agamo ngen tun-tun Farisi, udi coa bakea jijai umat Allah!”

MATIUS 6:5

“Amen udi bedu'o, jibeakba bedu'o awei tun munafik, tobo'o galok bedu'o je neak lem umeak semyang ngen sipang-sipang dalen lai, kunyau tun namen, ingetba do'o upeak de bi temimo.

MARKUS 11:25

Amen udi bedu'o, napunba kileak, sekirone ade su'ang tun lem ateinu te'adep su'ang tun, supayo kulo Bapa nu de neak surgo mapun saleak-saleaknu. [

LUKAS 20:47

Tobo'o mike jando-jando ngen mbut umeakne. Ngen utuk temutup kejahatan tobo'o o, tobo'o bedu'o pepanjang! Hukuman tobo'o paset benek!”

LUKAS 22:41

Sesudo Si me'uak dirai kunei tobo'o kekiro seke'uak butau neluk, lajau Si sujud ngen bedu'o.

GALATIA 3:10

Kerno kute tun de idup kunei pekerjaan hukum agamo, kutene idup neak beak kutukan. Sebab ade tetulis, “Terkutukba tun de coa setia kemerjo kute sesuaktau de tertulis lem kiteb hukum agamo.”

FILIFI 3:6

Uku malah tambeak semangat sehinggo uku semikso jemaat. Amen kenliak kunei segi hukum agamo Yahudi, uku suang tun de baik de coa cacet.

WAHYU 3:17

Udi madeak, ‘Keme kayo ngen serbo ade; keme coa kekurangan.’ Tapi udi coa namen bahwo udi kembiak peset ngen kembiak ibo keadaannu! Udi peset, beleseng, ngen sutai.