LUKAS 17:2 - JANJAI BLAU Lem Bahaso Jang Bebilai

² Adeba lebiak baik utukne amen do butau lai neket moi kagenne, lajau si nuang moi lem laut, kunei pado si menea duso pado saleak suang kunei tun-tun titik yo.

LUKAS 17:2 Iomraidhean Croise

MATIUS 17:27

Tapi jibeakba ite menea tun-tun'o mengiak. Jijai lalauba moi daneu utuk ngeweya, mokba kan de dute ngen ko temakep, neak lem bibiane'o ko bakea temau matai caci de genep utuk pajak ite beduai. Mokba caci'o, nasen ngen tobo'o pajak ite utuk Bait Allah.”

MATIUS 18:10

“Awas! Jibeak mino suang tun-tun titik yo. Sebab ingetba, malaikat-malaikat tobo'o selalu ade neak adep Bak-Ku neak surgo. [

MATIUS 18:14

Awei'o kulo Baknude neak surgo kunei tun-tun de tembei pecayo ngen Uku yo nyep.”

MATIUS 26:24

Anok Manusio bakea matei, awei de tetulis neak lem kiteb. Tapi celakoba tun de semreak Anok Manusio! Adeba lebiak baik utuk tun'o sekirone si coa nlaher.”

MARKUS 9:42

“Api de menea saleak do kunei anok-anok titik de masai yo, lebiak baik utukne amen de buak butau delapang neket moi kagenne lajau si nuang moi lem laut.

YOHANES 21:15

Sesudo sarapan Yesus madeak ngen Simon Petrus, “Simon, anok Yona, jano ko mengasiak Uku lebiak kunei tobo'o mengasiak Uku?” Jawab Petrus ngen si, “Benea Tuhan, ‘Ko namen bahwo uku mengasiak Ko.’ ” Nadeak Yesus ngen si, “Gembalaba bebirai-Ku.”

1 KORINTUS 9:15

Tapi ati perneak uku makei do kulo kunei hok-hok o. Uku temulis su'et yo iso kulo ngen maksud supayo hal-hal o de nea uyo te'adep uku. Lebiak uku matei kunei kelnyep hal de uku mbangga o.

1 KORINTUS 9:22

Neak tengeak-tengeak tun-tun de imenne de coa kuet, uku kulo besikep awei tun de imenne coa kuet supayo uku dapet temarik tobo'o jijai penotoa Kristus. Siketne, uku jijai kekutene utuk kute tun supayo ngen dalen de awei ipe kulo uku dapet semlamat pao kunei tobo'o.