LUKAS 16:28 - JANJAI BLAU Lem Bahaso Jang Bebilai

²⁸ Sebab masiak ade lemo tun pasuakku, supayo Lazarus minget tobo'o ngen sungguak-sungguak, kunyau tobo'o jibeak masuk pasuakne moi lem penan senikso yo.’

LUKAS 16:28 Iomraidhean Croise

LUKAS 16:27

Nadeak tun o, ‘Amen awei yo, uku minoi ngen udi, Bapa, supayo udi meluak Lazarus moi umeak bakku.

KISAH RASUL-RASUL 10:42

Si meluak keme melei namen Bito Baik o ngen tun-tun, melei saksai bahwo Si de naket Allah jijai hakim tun-tun de masiak idup ngen tun-tun de sudo matei.

KISAH RASUL-RASUL 18:5

Ketiko Silas ngen Timotius teko kunei Makedonia, Paulus muloi ngen sepenuakne melei namen bito kunei Allah, saksai ngen tun-tun Yahudi bahwo Yesusba Rajo Penyelamat.

KISAH RASUL-RASUL 2:40

Ngen dau kecek de luyen igai si saksai ngen demsok tobo'o, nadeakne, “Neleiba dirainu senlamat kunei tun-tun de kidek yo.”

KISAH RASUL-RASUL 20:21

Baik ngen tun-tun Yahudi atau tun-tun bangso luyen uku bogoa melei peringatan supayo tobo'o tobat kunei duso-duso tobo'o, teko ngen Allah, serto pecayo ngen Tuhan Yesus.

KISAH RASUL-RASUL 20:23

Uku cuma namen bahwo neak tiep-tiep kota, Roh Sucai bi tegas melei namen ngen uku, bahwo uku bakea masuk sel ngen bakea saro.

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

KISAH RASUL-RASUL 23:11

Pado malem menne Tuhan teko je neak depeakne ngen madeak ngen si, “Teguakba ateinu, Ko bi melei saksainu tetang Uku neak Yerusalem. Be ko harus melei saksai o neak Roma.”

KISAH RASUL-RASUL 26:22

Tapi berkat tulung Allah uku dapet idup sapei uyo, jijai saksai bagiak tun-tun titik ngen tun-tun lai. Jano de uku melei namen o coa luyen kunei de ayokne sudo nelei namen nebai-nebai ngen Musa,

KISAH RASUL-RASUL 28:23

Lajau tobo'o ngen Paulus temtep bilai utuk temau. Pado bilai o tekoba tobo'o lem jumleak lai moi penan tinggea Paulus. Paulus tem'ang, melei saksai ngen tobo'o tetang Allah meriteak sebagai Rajo; temurut Hukum Taurat ngen Bukau Nebai-nebai, Paulus beusaho menea tobo'o pecayo tetang Yesus. Hal o berlangsung kunei pueng sapei pelbeak.

KISAH RASUL-RASUL 8:25

Sesudo keduaine besaksai ngen melei namen firman Tuhan, belekba tobo'o moi Yerusalem. Lem pemaneune o tobo'o melei namen Bito Baik lem dau sadei neak Samaria.

GALATIA 5:3

Debat igai uku madeak ngen tiep tun de semunat diraine bahwo si wajib kemerjo kute hukum agamo.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

1 TESALONIKA 2:11

Udi namen bahwo keme manggap udi awei suang bapok te'adep anok-anokne.

1 TESALONIKA 4:6

Lem hal awei o, jibeakba suang tun kulo menea saleak ngen Saudarone, atau mikene. Bel'o keme bi melei peringatan ngen udi, bahwa Tuhan bakea mukum tun-tun de menea saleak awei o.